pitoc
/-òc/
pi|toc
[CO]
-
s.m.
cui che al va ator a domandâ la caritât:
"Se e fasessin la caritât di lozânus par usgnot..." "Vait, vait cul non di Gjo, che culì a no vin sît pai pitocs" (Catarine Percude, La fuiace de Madone);
ur smolave un plasê, un fregul di jutori, un solêf di nuie, lassantlu colâ dal alt, cul fâ di un miliardari che al da la caritât al ultin pitoc (Josef Marchet, Lis predicjis dal muini)
Sin. mendic
-
adi., s.m.
(ancje iperb.)
che, cui che al è une vore puar:
i mucs no vevin plui fuarce di resisti su la Plâf e si ju viodeve cul cjâf a pendolon e cence fotis, pitocs plui di nô (Maria Forte, Dome la cjampanute di Sant Bortul);
e veve za un partidon come che e mertave, si tratave nuie mancul che dal fi dal sindic dal paîs. Altri che chel pitoc di Moràs! (Pieri Menis, Sul agâr)
Sin. puaret
, misar
, miserabil
, disgraciât
Proverbis:
- doi pitocs suntune puarte no stan ben
- la ore di gustâ pai siôrs e je cuant che a àn fam, pai pitocs cuant che a nd' àn
- sant Roc i da la clâf a ogni pitoc
- un sôl ingrât ur fâs mâl a trops pitocs