misar
/mì-/
mi|sar
[AF]
-
adi., s.m.
che, cui che al è une vore puar:
Se chei di Vençon a jerin puars, chei di Piluver a jerin misars e a vevin conis di paiâ par dutis lis buteghis e ostariis (Antoni Beline, Pre Pitin)
Sin. puar2
, disgraciât
-
che al è caraterizât di mancjance assolude di bêçs e di bens, che al mostre mancjance assolude di bêçs e di bens e v.i.:
al jere un frêt che al faseve cricâ: jo o tremavi dut tai misars vistîts imblecâts (Pieri Menis, Agnulat)
-
adi.
une vore scjars di valôr, cuantitât, impuartance e v.i.:
il mestri de nestre scuele, no si sa ben ce etât che al ves vude e nol voleve molâ par no murî di fam cun chê misare pensionute che i sarès tocjade (Pieri Somede dai Marcs, Il gno prin mestri);
il secont frut, che al veve un cjâf che si cueieve intun bol e che al mertave di lâ a scuele, al veve supât in pôcs agns i misars sparagns da la famee (Franca Mainardis, Aiar di cjase)
Sin. di pôc
, minim
, puar2
-
adi., s.m.
che, cui che al è intune cundizion une vore negative, no dome a nivel economic e materiâl, ma psicologjic, esistenziâl e v.i.:
ducj chei marums lu fasevin sintî plui misar, plui vuarfin di ducj (Roberto Ongaro, Il muc)
Sin. disdetât
, disgraciât
, puar2
, disfortunât
, sfortunât
-
che si pues compatî:
la cuviertine di corean di un breviari mi à fat dal sigûr capî che chei misars vues a jerin stâts il cuarp di pre Domeni Somede, vicjari de Arcidiocesi (Pieri Somede dai Marcs, I "resti")
-
adi.
che al è une vore negatîf, intun cualsisei sens:
si contentave de idee ridutive e misare dal furlan che e nudrive la Filologjiche (Adrian Cescje, Memoriis di politiche linguistiche)
-
che si pues dispreseâ a nivel morâl:
si trate di fats che a àn la lôr misare lidrîs e la lôr spiegazion tes ambizions dinastichis, tes infatuazions, tai calcui dai mistirants di politiche (Josef Marchet, Cui nus liberaraial des liberazions?)