minim
/mì-/
mi|nim
[AF]
-
adi.
une vore piçul di dimension, numar, impuartance, impegn e v.i.:
jenfri un rai di vot chilometris (par la cuâl a une distance minime) - a forin cjatadis testemoneancis langobardis a Rodean Alt, a Cicunins, a Sant Vît di Feagne […] (Lucio Perès, Une lance longobarde cjatade a Baracêt)
-
plui piçul rispiet a alc altri, rispiet a une alternative:
[Achil Telin] al pandè la idee di un stât ladin (che te estension minime al cjapave dentri il Friûl e in chê plui grande al meteve dentri ancje il Cjadovri, la Ladinie e i Grisons) indipendent e neutrâl (Tiziano Gualtieri, Zornade europeane des lenghis. Ladin, Catalan, Cravuat)
Sin. minôr
-
adi.
che al è il limit plui bas che si acete o che si scuen fâ, rispietâ, meti in vore e v.i.:
il rispiet de etât minime par començâ a lavorâ (Buteghe dal Mont, Luche Nazzi, Guide par un consum just e solidâl)
-
s.m.
entitât une vore piçule par dimension, cuantitât, impuartance, impegn e v.i.:
al bastarès dome un minim di coordenament, tal rispiet de autonomie di ognidun, par fâ grancj pas indevant (Walter Tomada, Il destin dal furlan al è leât a la Europe)
Cfr. fregul
, ninin
, tic1
, tinin
, tininin
, fruçon
, ombre
, ongule
, alc
, nuie
-
ce che nol podarès jessi plui piçul o plui bas par vê un ciert risultât:
o varin cjapât il massim dal risultât cul minim dal sfuarç economic (Luca Zoratti, Scrivimi par furlan);
si fâs dome il minim di ce che la leç e oblee a fâ (e dispès nancje chel) e no si fâs invezit dut ce che la leç e permet di fâ (Sandri Carrozzo, La politiche pe lenghe furlane: risultâts de ultime aministrazion regjonâl in Friûl-VJ e propuestis pal avignî)
-
s.m.
cuantitât, valôr, misure e v.i. plui basse intune scjale o intune suaze di riferiment:
si à vût une diminuzion dai atîfs, di un minim di 0,76 a un massim di 15,62%, cuntune medie dal 6,3 (Linda Picco, Ricercje su la condizion sociolenghistiche dal furlan)
-
s.m.
[TS]
mec.
funzionament dal motôr cuant che il numar di zîrs al è bas
-
av.
intal limit plui bas:
Graziella mi à dit "No stin tant" però jo o savevi che lis cenis a durin minim fin une dopo miezegnot (Mario Beltramini, Jo e Graziella)
Sin. almancul