Dizionari de Lenghe Furlane

almancul  /-màn-/  al|man|cul  [FO]

1. av. in misure minime, no mancul di cussì:  almancul une volte ogni cuindis dîs e lave a visitâ lis buteghis di antigaiis in citât (Meni Ucel, Culturis)
   Var. almens , almanco , amancul , almanc
   
   1. come risultât minim, come pretese minime, come aspirazion minime e v.i.:  Tilde e varès volût compagnâju almancul un tocut, ma i doi zovins le oblearin a no movisi (Gianni Gregoricchio, Trê feminis)
      Sin. se no altri , no fossial altri , no fossial altri che
   2. par introdusi une limitazion o une concession:  almancul dopo muart che al puedi polsâ in pâs! (Pieri Somede dai Marcs, Bandiere); ce che al dîs un pape, almancul in Italie, al è dificil di metilu in discussion (Sandri Di Suald, Comunicâ la autonomie); la Miliute e vignive sù come un flôr. Almancul chê creature fra lui e la malinconie! Almancul chel confuart tal so mont dissipât (Maria Forte, La tiere di Lansing)
2. av. par dâ plui fuarce, plui enfasi a une declarazion, a une osservazion, soredut cun ande di critiche:  "[...] che e cjati altris cjasis indulà lâ a lavâ i soi peçots, e no ca dentri." "Fati sintî almancul... e sarà ca a moments sô fie Caruline" "No mi interesse" (Costantino Smaniotto, Maridâsi...!?)
   Sin. ancje , ancjemò , po , mo , ve¹

Proverbis:

• di une cjase brusade a restin almancul i clauts e la cinise