permanent
/-ènt/
per|ma|nent
[AF]
-
adi.
che al dure, che al reste par tant timp o fintremai par simpri:
la vita vagabonda, vita di pericui e di vuera. Culì la fatalitât del onôr nazionâl, istint permanent di chiscj popui (Federigo Comelli, Il me paîs);
[i incidents stradâi] ancje cuant che no copin, dispès si strissinin daûr problemis di salût permanents o une vore luncs di vuarî (Walter Tomada, Se la Europe nus cjale no vin di vê pôre)
Sin. continuât
, continui
, eterni
, fis
, indurant
, peren
, stabil
-
adi., s.m.
[TS]
milit.
servizi militâr obligatori:
al veve fat siet agns di militâr fra permanent e vueris (Riedo Pup, Rispueste: cjalâ e tasê);
ae cartuline rosse al someave abonât. La prime tal '30 pal permanent, cheste ca dal '34, une altre tal '35, une tal '38 e la ultime tal '40, che i à valût fin tal Setembar dal '43 (Alan Brusini, La cartuline)
Sin. naie
, militâr
-
cui che al è sot dal servizi militâr obligatori:
di permanent i faserin zirâ cuntun mûl dutis lis montagnis de Cjargne (Riedo Pup, Gjarmanico)
-
s.f.
viôt permanente
:
bisugnave meti dongje il vistît adat, fâsi fâ la permanent, metisi intor un fîl di aur (Pieri Menis, Novitâts in paîs)