militâr
mi|li|târ
[FO]
-
adi.
des fuarcis armadis, che al à a ce fâ cu lis fuarcis armadis:
trupis dal III e IV Cuarp di armade impegnadis intes grandis manovris militârs (Angelo Floramo, Cuintristorie dal Nûfcent 1900-1910);
dopo dal 1420 i tentatîfs di tornâ a meti impins il guvier dal patriarcje par vie diplomatiche e militâr a forin cause di vueris e di repressions (Gian Carlo Menis, Storie dal popul furlan);
a pene che al fo pussibil, al bandonà la Libie, la cariere militâr, e al vignì a stâ te cjase di Tesis (Carlo Sgorlon, Il dolfin)
-
s.m.
cui che al fâs servizi tes fuarcis armadis:
pardut une grant confusion di militârs, di camions, di lungjis filis di caretons: si diseve che i todescs a vevin rot il front a Cjaurêt (Pieri Somede dai Marcs, Sant Simon: 28 di Otubar 1917);
jessint fie di un militâr e jere vignude a stâ tal Friûl des grandis casermis (Checo Tam, La haine)
-
s.m.
servizi fat tes fuarcis armadis:
al veve scugnût fâ dîs agns di militâr cui "jegars" sot da la Austrie (Riedo Pup, Il prin moto);
i fantats no vevin voie di lavorâ pai cjamps. Finît il militâr, o che a fasevin concors par jentrâ in ferovie, o che a lavin a imparâ il mecanic (Carlo Sgorlon, Prime di sere);
i fassistei di paîs si sintivin ducj centurions romans e concuistadôrs, ancje chei riformâts di militâr (Roberto Ongaro, Cretevierte)
-
s.m.
lis fuarcis armadis, sedi tant che struture che tant che complès di personis, materiâl e v.i.:
se mi ves lassât il timp, cence fâ intervignî il militâr, cu lis armis…, o sarès rivât a fâ chel che - prime di dut - al jere di just che al fos fat…: convinciju a fevelâ cun lui, a vignî a pats (Alviero Negro, Int di masnade)
Sin. esercit ipon.
Polirematichis e espressions idiomatichis