esercit
/-èr-/
e|ser|cit
[FO]
-
s.m.
complès des fuarcis armadis di un stât, di une potence, di un condotîr e v.i.:
il comandant Boroeviç al vuidave l'esercit austriac e sentât alì parsore al cjalave ducj i combatiments (Checo Tam, La sente di piere);
ca sù o vin cuasi dut l'esercit, o vin la stragrande maiorance des casermis, dai bunkers, dai staipins, des barachis ANAS, dai gjenerâi… (Riedo Pup, Lis mudantis tricolôr);
o sin a Leipzig, dulà che lis fuarcis de Coalizion a àn drazât l'esercit di Napoleon (Checo Tam, La maree nere);
ai 24 di Mai dal 1915 l'esercit talian al passe il confin, il grues dai soldâts imperiâi si à za ritirât su posizions plui facilis di difindi (Carli Pup, La seconde Irlande)
Sin. armade
, fuarcis armadis
-
ancje in riferiment a un grup parziâl di chês fuarcis:
chest esercit di cosacs, passâts pal Friûl dal mil sietcent e novantenûf, a scugnirin fâ la strade a ledrôs cuant che al rivà il gjenerâl francês, Massena (Roberto Ongaro, Cretevierte)
Sin. armade
-
s.m.
fuarcis armadis di tiere:
il comandant dal presidi al celebre vie pe matine la ocasion storiche glorificant i ats dal Esercit e de Marine (Donato Toffoli, Felix Marchi, un soversîf te "Grande Vuere")
-
s.m.
(fig.)
grande cuantitât, soredut se e je intun ciert ordin:
aghis fermis e verdis di ca e di là de strade e un esercit di cjanis di palût e 'savis e crots (Alan Brusini, Come tai romançs);
zucar intacât des furmiis e un esercit di butiliis di detersîf miezis plenis e miezis vueidis (Checo Tam, Sic transit gloria mundi)
Sin. schirie
, grum
, sdrume
, rie
, teorie