palaç
/-àç/
pa|laç
[FO]
-
s.m.
grant edifici, cuntune architeture di rapresentance, pal solit cjase di siôrs o sede di uficis publics, che al pues ancje jessi identificât cul non dal paron o di cui che lu à fat:
il palaç dal cont di Madiis, sierât tal so vert e tal so misteri (Dino Virgili, La aghe da pît la cleve);
la presentazion dal Grant Dizionari Talian Furlan si davuelzè inte sale des conferencis Paulin di Aquilee daûr dal Palaç da Vescul a Udin (Adrian Cescje, Memoriis di politiche linguistiche)
-
s.m.
complès di edificis li che al à residence un sovran cu la cort:
la Kaiserpfalz […] e jere stade il palaç imperiâl, il centri dal comant sore dut il mont todesc e intodescjât (Agnul di Spere, Un cidinôr todesc);
tal indoman la fantate e dîs gracie ae vecjute e e partìs. E cjamine che ti cjamine, dopo un trê mês e rive tal palaç dal princip (Andreina Nicoloso Ciceri, Blancje come la nêf - Racconti popolari friulani I)
Sin. regje
-
s.m.
edifici grant, di plui apartaments, ancje no di rapresentance:
a vevin fat sù un palaç di ciment, e te buteghe gnove dal palaç cumò a vendevin libris (Agnul di Spere, Vivi a Codroip);
o vivevi intun anonim palaç di perifarie (Checo Tam, Micio-Micion)
Sin. condomini
Proverbis:
- miôr un cjôt so che no un palaç di un altri