poç
/-ò-/
poç
[FO]
-
s.m.
buse fonde fate par tiere par tirâ sù aghe, pal solit cuntun murut, cidule e cuarde:
un cjasâl grant cul poç tal mieç dal curtîl (Riedo Pup, Il Crist di Quilin);
daspò di un bon temporâl, il poç si jemplave di aghe fin tal ôr (Franca Mainardis, Il sium di Lissandri);
Guri al molave jù il seglot tal poç, la aghe nere e slusignave da fonts, e po al tirave fintremai che al comparive il seglot plen (Dino Virgili, La aghe da pît la cleve)
-
s.m.
ognidun dai sgjâfs strets e fonts fats par tirâ sù risorsis minerariis che a son une vore insot tal teren:
pai minadôrs improvisâts, lâ jù tal poç e je stade une esperience traumatiche (Francesco Micelli, La emigrazion dal Friûl - Vignesie Julie te Belgjiche);
agns in mine a Charleroi a fâ i poçs des minis (Redazion Il Friuli, Farcadice, diari di viaç)
-
implant di estrazion di idrocarbûrs:
a jevâ la atenzion dai inuit a son massime i doi poçs di petroli che si volarès inviâ in Groenlande (Carli Pup, Groenlande: sfrutament dal teritori al centri de adunance inuit);
"Ce puedial cirî? Bêçs? Un tesaur? Un poç di petroli? Une miniere?" (Stiefin Morat, Donald dal Tiliment)
-
s.m.
condot verticâl che al pues vê diviersis funzions in edilizie, inzegnarie, industrie e v.i.:
tune stanziute cul barcon infereât suntun curtilut strent e sofegât tune lûs di poç, al spietà un procès par un mês a dilunc (Maria Forte, Cjase di Dalban);
si à scuviert che il poç dai fîi eletrics des pompis di prese de aghe di mâr al veve une crevadure di 20 cm (Alessandro Pascolini, Il disastri de centrâl nucleâr di Fukushima Dai-ichi)
Cfr. cjamin1
-
s.m.
foran naturâl intal teren, spec. une vore font:
il fonts dal abìs Viganti al è stât tocjât dome intal 1949, par vie di une serie di poçs verticâi (un profont otante metris) e de mancjance di materiâi speleologjics (Aministrazion Publiche, Abìs Viganti)
Cfr. foibe
, inglotidôr
, landri
, dolaç
, buse
, ceule
, coladôr
, busate
-
s.m.
(fig.)
cundizion esistenziâl, psicologjiche o sentimentâl negative o li che al è facil lâ dentri e dificil vignî fûr:
mi pâr di cjatâmi sul ôr […] di un poç là che si viôt nome neri (Alan Brusini, Gian Paolo Linda, I forescj);
jo o continuavi a lâ jù, dentri il poç striât de bielece di Geneviève (Carlo Sgorlon, Il dolfin)
Sin. buse
-
s.m.
robe o persone o situazion che e à o e da alc in tante cuantitât:
une tiere che e je «poç di ispirazion» - in gracie di un patrimoni siôr di tradizions, mîts e contis e di un paisaç une vore svariât (Erika Adami, Art che e nas de nature e e torne ae nature)
Sin. miniere
Polirematichis e espressions idiomatichis
Proverbis:
- a fuarce di cori sù e jù, ancje la cuarde e fruie la piere dal poç
- a fuarce di lâ la sele tal poç, e lasse il mani
- cuant che il poç al è sut, si sa trop che e vâl la aghe
- cul lâ ator di gnot si cole tal poç
- dal poç si gjave la aghe
- e va tant la sele al poç, fin che e reste dentri
- il mat al bute il clap tal poç e il savi al scuen gjavâlu
- la cussience e je inneade tal poç
- tant al va il cjaldîr tal poç che infin al reste