cjamin1
/-ìn/
cja|min
[AF]
-
s.m.
condot che al puarte fûr il fum di un fogolâr, di une stue, di une cjalderie, di une fornâs e v.i.:
taiâ rusclis par netâ il cjamin (Josef Marchet, Lis predicjis dal muini);
il cjamin de fornâs al sbrissave sù, sutîl come un stombli e, di ca e di là, sot, il tachil come un slargjâsi di alutis (Dino Virgili, La aghe da pît la cleve)
Sin. nape
, napin
Var. camin
-
part che si viôt di chel condot, parsore dai cuvierts o dilunc dai mûrs:
lis cjasis a àn i cjamins infûr a veneziane vie (Dino Virgili, La aghe da pît la cleve);
[il gjat] al cjate la ombrene di un cjamin e li al si console (Lelo Cjanton, Sui cops)
-
plan e spazi, pal solit di modon o di piere, viert almancul di une bande, li che si fâs il fûc in cjase, pal solit par scjaldâ e par bielece, no par fâ di mangjâ:
cetantis maraveis ta chel palaç: cuadris di bielis sioris […]; sculturis di siôrs […]; cjamins di marmul; mobilie blancje e dorade (Alan Brusini, Par stradis lungjis)
Cfr. fogolâr
-
s.m.
[TS]
inz.
condot verticâl par fâ passâ aiar:
il plan de armadure che [i operaris] a lavoravin lôr nol jere ben pontât. A son plombâts jù dal cjamin sul paviment dal tunel cun dute la armadure (Agnul di Spere, Fieste di inaugurazion)
-
s.m.
part de pipe là che al bruse il tabac
-
s.m.
[TS]
vulcanol.
cjanâl tai vulcans di dulà che al ven sù il magme
-
s.m.
[TS]
sport
sclapadure verticâl fra dôs parêts di cret che e permet al alpinist di rimpinâsi
Proverbis:
- a cîl turchin si nete il cjamin
- dai cjamins al ven fûr fum
- i bêçs no vegnin jù pal cjamin
- ogni cjamin il so fûc
- par scjampâ de miserie si à di lâ là che a son cjamins che a fumin e no cjampanii che a sunin