Dizionari de Lenghe Furlane

nape  na|pe  [AF]

1. s.f. struture largje parsore di un fogolâr, di un cjamin, di un fornel o sim. che e invie il fum fûr dal ambient pe cane dal cjamin:  il nono al cjapave sù cu lis moletis une bore di fûc, al impiave il so «virgjinie» e al pipave di gust, cidin, cjalant il fum che al svolave sù pe nape cu lis lusignis dal fûc (Pieri Menis, Il «trono» dal von); mi met a contâ flabis sot la nape (Pieri Çorut, La mê biografie)
   
   1. cane che e mene il fum fûr di un ambient:  i veve netade la nape che no tirave. "Un pôc di cjalin ingrumât, cumò e tire sù ancje il spolert!" dissal (Maria Forte, Varc di confin); al zirave pai paîs a spacâ lis napis (Pieri Somede dai Marcs, Spacecjamin)
      Sin. cjamin¹ , cane , cane dal cjamin , fumulâr , fumarie
   2. (estens.) struture parsore dal cuviert che e fâs di jessude dal condot che al mene il fum fûr di un ambient:  Udin al dreçave sù tal cîl là jù disot il so biel cjistiel, i siei cjampanii, lis sôs napis, il fum des sôs napis (Dino Virgili, La aghe da pît la cleve); si viôt da lontan lis napis altis altis di une fabriche (Pieri Somede dai Marcs, Un pugn di moscjis)
      Sin. cjamin¹ , napin , fumarûl
2. s.f. (fig., scherç.) nâs, soredut ben grant:  mê agne Meneghine […] e tirave sù pe nape mieç chilo di macube par setemane (Josef Marchet, Lis predicjis dal muini)
   Sin. nason
3. s.f. (fig.) fressure o buse tal cret

Polirematichis e espressions idiomatichis

• vignî jù pe nape loc.v.

Proverbis:

• e tire plui la nape che no cent pâr di bûs
• si trussin ancje lis citis che a stan fermis su la nape