fogolâr
fo|go|lâr
[FO]
-
s.m.
puest de cjase là che si impie il fûc libar, par scjaldâ e par cusinâ:
sul fogolâr ben planc si brusave il çoc di Nadâl, iluminant di ros i mûrs neris (Pieri Menis, Lis leiendis di Buie);
il cusinon dai nonos al jere plen di lûs, cuntun fogolaron simpri impiât, massime di Invier cuant che dut il borc al puartave la robe purcine a infumâ (Pieri Menis, Il cuader de none);
in cjâf a un meis il fogalâr al fo pront, biel larc cu li lastri di tof (Novella Cantarutti, Li manuti)
Cfr. laris2
, larin
, clap dal cjavedâl
, clap dal fûc
, cjavedâl1
, nape
, cjadenaç
, clavarûl
, cane
, cane dal fum
, napin
, camin
, fumarûl
, fronton
, puarte fûr di fogolâr
, puarte fûr di nape
, sburte fûr di nape
-
ambient de cjase dongje di là che si pie il fûc, pal solit cun bancjis ator ator li che si pues comodâsi par stâ cjalts:
dal fogolâr di Neto no si saltave fûr par lâ in nissun sît, dopo cene, se prin no si diseve il rosari (Meni Ucel, Rosaris);
saludant al jentrà tal fogolâr, là che la sô cristiane i veve lassade la taule tindude (Josef Cjargnel, La fogolade dal bosc)
-
s.m.
(fig.)
cjase tant che puest dai afiets, famee:
moscjis a ‘ndi è stadis simpri par ogni cjase, ma si paravisi di lôr cence sdrumâ il fogolâr (Josef Marchet, Lis predicjis dal muini);
la vuere e veve stravuelt altris doi fogolârs! (Roberto Ongaro, Il muc)
Sin. nît
-
s.m.
spec. cun iniz. maiusc., associazion di furlans emigrâts fûr dal Friûl:
al jere stât il taramot di pôcs dîs, in Svuizare a vevin scomençât a mandâ jutoris ai furlans, e il Fogolâr al cirive di coordenâ lis robis (Agnul di Spere, Visâsi di chel puint radio)
Proverbis:
- cui che al à dongje dal fogolâr pâs e amôr, al è un siôr
- cui che al à pâs, ligrie e amôr, dongje dal fogolâr al è un siôr
- fogolâr distudât nol fâs fum
