sît
sît
[FO]
-
s.m.
pont o part plui o mancul grande ma delimitade o determinade di spazi:
in cualchi sît i riçs des cjastinis a vevin fat dut un tapêt sul troi (Agnul di Spere, Il puint de ledre);
un trop di chescj Paians al veve di jessi ancje in chel sît a rissul de Tor, a ret di Selvis, là che cumò a son i cjasâi di Sant Martin (Josef Cjargnel, La caroce di aur di Sant Martin);
jo na eri mai stada par li vili insù: […] gno pari al mi mostrava cu la man i sîts e al mi diseva i nons (Novella Cantarutti, "Uta, Ututa improntiti");
se tu âs pice di fâ il prepotent, va a cirî un sît plui adatât (Josef Marchet, Lis predicjis dal muini)
Sin. localitât
, lûc
, puest1
-
pont o part di spazi caraterizade de presince di struturis, ativitâts e v.i.:
l’incuinament dai sîts industriâi plui impuartants de Sardegne (Ivo Murgia, Dree Venier, «Nô o sin indipendentiscj!»);
il progjet di Granarolo al previodeve un dismantelament parziâl dal sît produtîf di Cjampfuarmit (Linux, Lis evoluzions sul teme dal lat)
-
puest caraterizât de presince di testemoneancis dal passât:
il sît di Olimpie al fo abitât fintremai dal tierç mileni e lis divinitâts che a forin onoradis a forin in sucession Uran e Gjee, Chronos e Ree e par ultins Zeus e Ere (Adrian Cescje, Viaç aes origjins dal Logos)
-
s.m.
(ancje fig.)
estension limitade, libare o ben ocupade di alc o di cdn.:
mi mancje sît [par scrivi di plui], e soi leât lis mans… / us ringrazii in premure: adio Furlans (Pieri Çorut, Pronostic del 1828)
Sin. puest1
, spazi
-
spazi o situazion li che cdn. o alc a cjatin acet:
cjase par cjase, a domandarin di lozà la gnot; ma pardut come a Marceane ur rispuindevin: "No vin sît. Vait cun Gjo" (Catarine Percude, La fuiace de Madone)
-
s.m.
[TS]
inform.
tes grandis rêts informatichis, lûc virtuâl li che un utent al met a disposizion par altris utents dâts, informazions, programs e v.i.:
in curt il sît dal Consei regjonâl al sarà inzornât e cierts contignûts […] a saran disponibii in modalitât plurilengâl (Marc Stolf, Masse planc e cence plans. L'ûs public de lenghe furlane)
Proverbis: