spazi
spa|zi
[FO]
-
s.m.
dimension fisiche li che si concepìs e che si percepìs che a sedin lis robis:
dut chel che al esisteve al scugnive par fuarce jessi dentri dal spazi e dal timp, e fûr di chês dimensions nol jere che il nuie (Carlo Sgorlon, Il dolfin);
da la organizazion dal spazi si pues lei tal lâ dai secui la storie e la evoluzion dal teritori (Rino Gubiani, Studi da la evoluzion dal paisaç mediant i toponims)
-
s.m.
[FO, TS]
astron.
sede infinide des stelis e dai planetis, considerade come ambit di studi e di esplorazion:
[lis stelis] a produsin energjie che e ven soflade intal spazi sot forme di rais eletromagnetics (Bepi Zefon, Il Sisteme Solâr e lis sôs leçs)
Sin. cîl
, cosmi
, univiers
-
s.m.
estension limitade, libare o ben ocupade di alc:
un trop di machinis parcadis mo chi mo li, che a jemplavin dut il spazi da la place (Franca Mainardis, Il sium di Lissandri);
davour di une tende scure, si viarzeve un spazi piçul, larc e lunc sui doi metris. Ator al ere siarât di un mûr dal colour di savalon (Stiefin Morat, Kebar krossè)
Sin. puest1
, sît
-
s.m.
costruzion o struture, o part di costruzion o struture, dedicade a une cierte ativitât:
un centri culturâl, cun spazis espositîfs, salons par riceviments e cerimoniis (Venusia Dominici, Il Cjistiel di Ruvigne)
Sin. ambient
, puest1
-
s.m.
(fig.)
estension astrate, spec. delimitade, categorie concetuâl:
la matematiche e nas de stesse bisugne argomentative de filosofie, che e nas in Elade, la bisugne di costruî un spazi di cognossincis e di veretâts condividudis (Adrian Cescje, Viaç aes origjins dal Logos)
-
s.m.
(fig.)
cuantitât di timp, di test, di impegn, atenzion e v.i. dedicade a une cierte ativitât, spec. tai mieçs di comunicazion:
informâ i citadins par mieç di boletins bilengâi e di spazis informatîfs radiotelevisîfs par furlan (Comitât 482, Pai dirits linguistics in Friûl - Vignesie Julie 2008-2013);
si è rivâts a fadie a otignî te radio e te television dome piçui spazis sperimentâi in oris di basse scolte (Silvana Fachin Schiavi, I dîs agns de leç n. 482/99);
notiziis bielis […] che magari un pôcs di gjornâi no publichin, salacor nome par mancjance di spazi (Riedo Pup, Il partît dai zovins coscrits)
-
pussibilitât di meti in vore, di metisi in vore, di cressi e v.i.:
slargjâ i spazis de democrazie partecipade (Marc Stolf, Un Pat cuintri dal 'Partito della nazione', un Pat a pro dal Friûl);
Marchet e Pasolini a condividin il sfuarç di slargjâ i spazis dal furlan, di dâi une dignitât complete tant che lenghe (Cristina Cescutti, Leterature furlane);
la nobiltât marcantîl veneziane e jere daûr a pierdi i marcjâts dal Orient. E veve bisugne di altris spazis di invistiment (Adrian Cescje, Liniis di storie sociâl e economiche dal Friûl 1500 - 1800)
-
s.m.
[TS]
tipogr.
inte pagjine stampade o datiloscrite, interval libar tra lis peraulis:
eliminâ i doplis spazis
-
blochet di plomp plui bas de norme, doprât par fâ spazis
-
boton de tastiere che al fâs inserî un interval intun test
-
s.m.
[TS]
mus.
tal pentagram, interval tra une rie e chê altre