Dizionari de Lenghe Furlane

univiers  /-èrs/  u|ni|viers  [AF]

1. s.m. ancje cun iniz. maiusc., complès di dutis lis robis che a son in nature e il spazi che lis ten e indulà che si manifestin ducj i fenomens naturâi, ancje cun riferiment particolâr ai cuarps celescj e ai fenomens astronomics:  ce biel che al è il mont! … Biel par ducj: umign, bestiis e plantis! … E dut al vîf ben te sô forme juste; content di sei come che al è… O sin ognun une part di dut chest grant Univiers (Maria Forte, La tiere di Lansing); l'esperiment nus mostre che, ore di cumò, l'univiers al è in espansion, lis distancis jenfri lis galassiis a incressin (Sergio Cecotti, Teologjie algjebriche)
   Cfr. cîl , cosmi , marimont , mont² , creât
2. s.m. complès di elements, percezions, concezions, riferiments e v.i. tipics di une persone, di une comunitât, di une ete e v.i.:  une fine ilustrazion, traviers la vôs dal protagonist, dal univiers contadin di une volte (Fabian Ros, Dut su la mostre dal cine)
   Sin. mont²
   
   1. comunitât, grup, categorie e v.i. caraterizade di cierts elements in comun:  al è interessant di butâ un voli su cualchi rispueste, par capî cemût che chel univiers di furlans al à percepide la novitât di une vie istituzionâl par definî une grafie unitarie pe lenghe furlane (Adrian Cescje, Memoriis di politiche linguistiche); Tavan si è formât a Montreâl Valceline, un dai centris plui impuartants par chel che al rivuarde l’univiers culturâl furlan (Stiefin Morat, Raff BB Lazzara, Pulvìn: tal rignovâsi de intenzion poetiche dai agns ’90)
3. s.m. [TS] stat. complès dai elements singui che a formin il totâl che si cîr di descrivi o il totâl li che si met in vore une leç statistiche:  l'univiers di riferiment al jere chel dai abitants de aree furlanofone determinade tal 1977-'78 (Linda Picco, Ricercje su la condizion sociolenghistiche dal furlan)