Dizionari de Lenghe Furlane

ambient  /-è-/  am|bient  [FO]

1. s.m. [TS] biol., ecol. spazi caraterizât di ciertis des cundizions biologjichis, fisichis e chimichis:  plantis igrofilis (che a vivin in ambients umits, tant che felets e spirelis) (Francesco Gobbo, Gjeologjie e paleontologjie ator di Preon); la Alte Vie di Glemone: dîs oris di cjaminade, intun ambient salvadi e cence aghe (Cristina Noacco, Faliscjis)
   
   1. ecol. la nature, tant che relazion tra mont fisic e organisims animâi e vegjetâi:  i temis a son prin di dut chei dal ricognossiment de lenghe furlane e de autonomie regjonâl, ma la tutele dal ambient e dai dirits civîi a rivin subit dopo (Max Mauro, Un Friûl difarent: i 90 mhz di Onde Furlane)
2. s.m. lûc indulà che al sta alc, spazi fisic, spec. in riferiment a un edifici o a une part di edifici:  si cjatà tune stanzeute […] mubiliade cuntune scrivanie, un taulin cuntune «Olivetti» parsore, un armâr e une stuone tun cjanton. L'ambient al jere clip e lusorôs (Nadia Pauluzzo, Il bintar); vuê, tune cjase, l'ambient plui impuartant, il plui biel, il plui grant, il plui furnît al è il «soggiorno» (Riedo Pup, I furlans e il camarin)
   Sin. lûc , puest¹ , sît
3. s.m. (fig.) complès des cundizions sociâls e culturâls:  il racket al è il prodot di un […] ambient, di une culture là che il lari, il traficant, il plurisassin a vegnin riverîts (Riedo Pup, Racket: o sin te vuate)
   Sin. contest , sfere , suaze
   
   1. grup di personis caraterizadis di une cierte ativitât, culture, lenghe e v.i.:  o vevi la convinzion che in chei ambients [de Filologjiche e de Universitât] a vessin cjapât la decision di sierâ la esperience dal Cfl2000 (Adrian Cescje, Memoriis di politiche linguistiche); infuartî i leams e i contats cui scritôrs e cui ambients culturâi di chês altris tieris ladinis des Dolomitis e dal Grison de Svuizare (Erika Adami, La olme di un grant furlan)
4. s.m. locâl public:  ai prins dal 1920 […] gno pari al vierzeve tal palaç di Pelôs in place, la «Pasticceria Centrale» un ambient fin une vorone (Alan Brusini, Come tai romançs); sui mûrs si viodin cuars di cjamoçs e di cjavrûl: no par nuie l'ambient si clame "Al cjaçadôr" (Alan Brusini, Gian Paolo Linda, I forescj)
   Sin. locâl , bar² ipon. , ostarie ipon. , ristorant ipon. , tratorie¹ ipon. , locande ipon. , birarie ipon. , enoteche ipon. , cantine ipon. , cantinon ipon.