cantine
/-ì-/
can|ti|ne
[AF]
-
s.f.
plan sot tiere di un edifici, in gjenar doprât tant che magazen, soredut di robe di bevi e di mangjâ:
e faseve man blancje di dut ce che e cjatave di mangjâ te panarie e te cantine se e cjatave viert (Pieri Menis, Pascute);
ducj saveve in paîs cetant ricje che e jere la sô cantine, e ce formadi che e veve, e ce camarins furnîts (Meni Ucel, Salams);
jê lu tignive tant che un fi, a mangjâ, a durmî, a zuiâ ta chel palaç che al jere di pierdisi a zirâlu dut, de cantine al cjast (Alan Brusini, Par stradis lungjis)
Sin. cjanive1
Var. cjantine
-
s.f.
inte industrie enologjiche, ambient pe vinificazion e pal invecjament di vins e licôrs:
di sot de puarte de cantine de cooperative al jessive a pleton une roie di vin che a faseve une grant poce tal mieç dal curtîl (Pieri Somede dai Marcs, 21 Avrîl);
il so teren al è une vore preziôs. «Parcè che i vins a son fats in vigne e no in cantine» (Stefania Garlatti Costa, Dai roncs laboratoris di biodiversitât a nassin vins "rivoluzionaris")
Sin. cjanive1
-
aziende che e prodûs vins e licôrs:
in chê ocasion o ai visitât cantinis ecezionâls, tant che chês di Dorigo o di Rosa Bosco (Natascia Gargano, Un amì dal Friûl, Omar Pedrini)
-
s.f.
[BF]
ambient li che si vendin e si bevin vins e licôrs di produzion proprie o di consorzi
Sin. cantinon
Cfr. spaç
, frascje
Proverbis:
- la cusine e mangje la cantine
- par stâ ben: pirulis di gjaline e punturis di cantine