suaze
/-à-/
sua|ze
[FO]
-
s.f.
telâr di len o di un altri materiâl, di plui formis e colôrs, metût ator di cuadris, spiei, fotografiis e v.i.:
i mûrs di colôr simpri resint e cuadris in suaze e mobilie di lustrifin, a siôr vie… (Dino Virgili, La aghe da pît la cleve);
pardut un dêt di polvar, fin su lis suazis dai cuadris di ogni misure di sants e madonis che a fodravin in disordin lis parêts (Pieri Somede dai Marcs, Pre Josef);
tun grant spieli cu la suaze indorade, picjât sore il caminet, si rifleteve la lûs dai lampadaris (Jolanda Mazzon, Fûr di timp)
Sin. telâr
, curnîs
Var. suarze
-
ôr di une puarte o di un barcon:
[tor dai barcons] dute chê piere serene sacomade e picade ben a spigui vîfs e di colôr clâr, e jere la part ricje de cjase. Une biele suaze intor di ogni lûs (Maria Forte, Cjase di Dalban);
intune cjasate plene di statuis di agnuluts su lis suazis dai barcons (Checo Tam, X-Reihen)
-
s.f.
(fig.)
ce che al è ator e che al siere, spec. cun elements di bielece:
[la Elade] e je li, li che e je simpri stade, te suaze des sôs monts consumadis e staronzadis dai secui, de lûs che le imbombe e dal mâr che al custodìs il so sium (Adrian Cescje, Viaç aes origjins dal Logos)
Sin. cengle
, contor
, corone
-
s.f.
(fig.)
complès di elements decoratîfs o ambientâi li che al sucêt alc:
une storiche cerimonie […] tignude te splendide suaze dal salon dal Cjistiel di Udin (Giovanni Frau, Peraulis in libertât: i atlants linguistics)
Sin. atmosfere
, contest
, contor
, sene1
-
s.f.
(fig.)
complès dai elements che a stan sot o daûr di un acjadiment, di une azion, di un fenomen, di une personalitât e v.i.:
il so non [di Jacum] al salte fûr plui inlà e come di suaze te conte de presonie e de liberazion miracolose di Pieri (Antoni Beline, Sant Jacum, là che al finìs il mont);
inte suaze dai intervents de leç regjonâl n. 15 si previodeve di sburtâ lis trasmissions televisivis par furlan (Max Mauro, Un Friûl difarent: i 90 mhz di Onde Furlane)
-
s.f.
(fig.)
maniere di viodi o di presentâ un resonament, un pinsîr, un fat e v.i.:
pre Pieri al cirì di dâi une suaze un alc filosofiche a chel discors un tant strambalât (Enrico Martina, Ricuarts e inlusions)