curnîs
cur|nîs
[AF]
-
s.f.
telâr di len o di un altri materiâl, di plui formis e colôrs, metût ator di cuadris, spiei, fotografiis e v.i.:
secont che e tremave la flame a lusivin lis curnîs doradis dai cuadris (Pieri Somede dai Marcs, Il tinel);
viodint lis curnîs vueidis i domandà dai ritrats (Pieri Menis, Chei di Muraie)
Sin. telâr
, suaze
-
element decoratîf in rilêf o ancje dome piturât tor di barcons, puartis o struturis architetonichis:
[i debits] come plantis che si rimpinin, a brincavin i piergui, lis curnîs e i curnisons di D'Aronco (Maria Forte, Il vecjo famei)
-
s.f.
(fig.)
complès di elements decoratîfs o ambientâi li che al sucêt alc:
un di ca e un di là di un slac dal mûr, a dîsi peraulis lampidis come la aghe monde […]. Curnîs al lôr cjalâsi stelât il grant turchin dal cîl… (Maria Forte, Cjase di Dalban)
Sin. atmosfere
, contest
, contor
, sene1
-
s.f.
(fig.)
mût di capî, di intindi, di interpretâ alc o cdn.:
al è ben fermâsi un moment a rifleti sore di chest om di Diu par metilu inte juste curnîs (Tonin Cjapielâr, Un om che al fâs di profete)