telâr
te|lâr
[AF]
-
s.m.
imprest o machine par tiessi:
al sintive il trictrac dal telâr in vore, manovrât cui pîts de femine e il scori de navisele sui fîi tirâts de trame come une slavare fate cori su la glace (Pieri Menis, Chei di Muraie)
Cfr. traviers
, subli
, sublet
, bachete
, cjanâl
, mace
, tendadôr
, pietin
, puartecassis
, liç
, puarteliçs
, insedi
, navisele
, spuele
, tolp
-
s.m.
struture, ancje fate di plui tocs zontâts tra di lôr, che e ten sù o che e je di impuartance centrâl rispiet a altris tocs dal sisteme:
i plaseve cjalâle, i cerclis metûts gnûfs, lis gomis sutilis, il telâr vernisât turchin (Alan Brusini, Par stradis lungjis);
i erin sul tet di un palaç, forsit il plui alt, de Cengle. Di lui al ere restât dome il telâr di ciment e cualchi toc di fiar inruzinît (Stiefin Morat, Kebar krossè)
-
[TS]
edil.
part di len o di altris materiâi di puartis o barcons, dulà che si montin i veris o i specjets:
la ploie mi jentre pai telârs mal sestâts (Pieri Somede dai Marcs, Un pugn di moscjis)
-
[TS]
art, pit.
struture di len che e ten tirade la tele di un cuadri:
un telâr su un cavalet di piture (Costantino Smaniotto, Co l'amôr al cimie);
"[…] la ten impegnade jê a fâmi cualchi ore di pose […] dopo voi in bote a ordenâ il telâr" (Vittorio Vittorello, A ogni cost)
-
(fig.)
struture, implant, ancje di alc di astrat:
i storics […] a àn tal cjâf un disen gjenerâl, un telâr za pront, là che il fat locâl al à di insedâsi (Riedo Pup, Filosofie padronâl);
Giovanni Gentile, il ministri fassist de istruzion, al à tirât sù il telâr de scuele taliane (Franc Fari, Il cjâf dai furlans)
Sin. implant
, struture
, tressadure
-
s.m.
struture fisiche di cdn.:
chest frut al è sec ma al à un bon telâr (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
di gracie che i fos restât il flât di puartâ a cjase il so telâr smagrît (Maria Forte, La tiere di Lansing)
Sin. complession
, tai
, tressadure
, cuarp