pietin
/-è-/
pie|tin
[AF]
-
s.m.
imprest doprât par meti in ordin i cjavei o altris pêi o filaments, formât di une bande di materiâl di li che a vegnin fûr tancj dincj fins, plui o mancul fis:
si comedin il grop de golarine, si passin di buride il pietin tai cjavei (Gianluca Franco, Ellis Island);
lis mostacjis e la barbe grisis che par altri al tignive simpri netis e petenadis cul pietin di vues che al puartave simpri cun se tal sachetin dal gjilè (Pieri Somede dai Marcs, Il gno prin mestri)
-
s.m.
[TS]
tess.
part dal telâr fate di une schirie di dintuts che a coventin par tignî separâts i fîi dal urdiment e par bati chei de trame:
tal Museu cjargnel des arts popolârs "Michele Gortani" di Tumieç e je une colezion siore di telis - di stofis par vistîts a tavaiis e bleons - e di telârs e imprescj par tiessi: dai pietins ai fûs ai mulignei (Erika Adami, Cjargne, tiere di tiessidôrs)
-
s.m.
[TS]
tecn., agr.
part finâl dal ristiel, formade di un toc perpendicolâr al mani li che a son fissâts i dincj
-
s.m.
[TS]
tecn.
ôr de clâf che e da infûr de cane e che e va a fâ zirâ i segrets de sieradure:
"No podeviso sburtâle fûr de clavarie?" "No, siôr, par vie che e jere zirade di mieç zîr, ven a stâi cul pietin par insù." (Roberto Ongaro, Cretevierte)
-
s.m.
[TS]
zoot.
struture des celis fatis des âfs e des jespis par meti i ûfs, la mîl e il polin:
e sespes e cestutes di miluçs / e uve rosse, cjolte sù de vît / e, in mieç, un pietin ben cjariât di mîl (V. G. Blanch, Da les Metamorfoses)
Sin. celet
Proverbis:
- ducj i grops a vegnin al pietin
- ogni grop al ven al pietin
- ogni pietin pal so cjâf