struture
/-tù-/
stru|tu|re
[FO]
-
s.f.
in alc di materiâl o imateriâl formât di plui elements, il complès dai criteris di distribuzion e articolazion di chei elements:
dutis lis speciis di vertebrâts a spartissin la stesse struture dal cerviel (Franc Fari, Eric Pascul, Autonomie e democrazie, i numars de socializazion umane);
la struture gnoseologjiche de enciclopedie e jere parele de struture cosmologjiche di un univiers concludût, jerarchic, ordenât dal sempliç al complès, de unitât ae molteplicitât (Mario Turello, Il brevet);
no dome parcè che o soi nassût li dentri e o ai vivude la mê infanzie, ma pûr pe sô struture, e jere une cjase che mi plaseve (Roman Michelot, La cjase dai contents)
Sin. configurazion
, conformazion
, costituzion
, forme
, implant
, organizazion
, struturazion
, telâr
, tressadure
-
s.f.
complès di plui elements articolâts tra di lôr:
une struture nanometriche e à dimensions di un ordin di grandece in plui dal volum dal atom (Lorenzo Marcolini, Lis celis organichis nanostruturadis)
-
complès di plui elements che si pues individuâ dentri intun sisteme plui grant:
mi soi interessât un grum a la funzion, intal cerviel bilengâl, di dôs struturis une vore impuartantis, ven a stâi i ganglions de base e il talam (Franc Fari, Il cjâf dai furlans)
-
s.f.
complès di personis o sogjets e mût di funzionâ des relazions tra chei sogjets intun grup, intune organizazion, intune comunitât e v.i.:
la ALE e je un «partît politic a nivel european» cuntune sô struture specifiche, che e je comparabile cun chê di chei altri «europartîts» (Marc Stolf, Corsiche, Scozie, paîs Basc, Catalogne, Friûl… Europe);
vuê, jessi furlans al vûl dî adiriture jessi europeus. Al vûl dî sintîsi pronts e madûrs a jentrâ in struturis plui grandis e plui altis dai sierais nazionâi (Riedo Pup, Mizzau al bat Pitt un a zero)
Sin. asset
, implant
, organizazion
, sisteme
, struturazion
-
complès organizât che al fâs une funzion dentri di un sisteme plui grant:
il probleme dal adeguament digjitâl dai albiercs, come di altris struturis dal turisim, al esist dal sigûr (Attilio Celant, Il rûl economic dal turisim in Italie)
-
s.f.
complès dai elements di une costruzion, machine e v.i. che a rezin e che a coleghin:
la costruzion e jere sustignude di une robuste struture di len che e vignive riviestude di madons (Lucian Verone, Fogolârs e cjavedâi)
Sin. armadure
, implant
, telâr
, tressadure
-
s.f.
edifici, risultât di une opare di costruzion:
tecnichis costrutivis simpri plui complessis che, in dì di vuê, nus permetin di progjetâ e tirâ sù struturis no imagjinabilis dome cincuante agns indaûr (Alessandro Bachiorrini, Maltis armadis pes struturis dal tierç mileni);
i teatris a son struturis publichis destinadis ae formazion coletive (Adrian Cescje, Viaç aes origjins dal Logos)
Sin. edifici
, fabricât
, fabriche
, costruzion
-
s.f.
[TS]
filos., sociol.
tal pinsîr marxian, complès dai rapuarts di produzion e dai mieçs che a caraterizin un sisteme di une situazion storiche determinade, che i fasin riferiment lis sorestruturis juridichis e culturâls
-
s.f.
[TS]
ling.
organizazion dai elements di un sisteme linguistic tâl che e vali la lôr distinzion in oposizion simultanie e la lôr complementaritât
-
s.f.
[TS]
ling.
disposizion dai elements funzionâi intun sintagme, intune frase o intun test
-
s.f.
[TS]
chim.
disposizion dai atoms dentri di une molecule:
il transistor al è un component cun dôs comissuris e trê terminâi costruît cun sostancis inorganichis a un grât elevât di purece e a struture cristaline (Lorenzo Marcolini, Lis celis organichis nanostruturadis)
-
s.f.
[TS]
petr.
complès des carateristichis di forme, disposizion e dimension dai cristai che a fasin un cret:
dispès tes dolomiis scuris derivadis di pantan depositât tal fonts dal bacin a son piçui grumuts ovâi, subcircolârs o slungjâts, colôr neri e di struture amorfe (Francesco Gobbo, Gjeologjie e paleontologjie ator di Preon)
-
s.f.
[TS]
gjeol.
disposizion des particulis che a fasin un teren