sisteme
/-tè-/
sis|te|me
[FO]
-
s.m.
complès organic di elements concrets o astrats che a dipendin tra di lôr:
la atmosfere al è un sisteme complès, plen di retroazions (Dario Bianchini Giaiotti, Fulvio Stel, Clime e incuinament: prime l'ûf o la gjaline?)
Sin. complès
, insiemi
-
s.m.
aparât formât di plui elements:
si metè a cjalâ il tabelon, che cuntun sisteme eletronic al dave indicazions sui trens, oris e binaris (Agnul di Spere, In viaç di domenie);
tal fabricât de unitât al è stât instalât un sisteme di filtrazion dal aiar (Alessandro Pascolini, Il disastri de centrâl nucleâr di Fukushima Dai-ichi)
-
s.m., s.f.
complès di proceduris che a smirin a vê un risultât:
passâ di un sisteme di produzion artesanâl a un industriâl (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
jo, sul concet, o jeri dacuardi. No sopuartavi, invezit, il sisteme che al doprave. Dûr, rigorôs: un premi se il frut si compuartave ben; un cjastì se si compuartave mâl (Gianni Gregoricchio, Trê feminis);
l'unic sisteme scolastic che al puedi vê un impat positîf suntune lenghe come il furlan, al è chel dulà che almancul la metât des oris di lezion a son fatis par furlan (Sandri Carrozzo, Autonomie e politiche linguistiche pal furlan);
al veve ancje cjatade la sisteme juste par scancelâ dal calendari cheste ocasion di vueit esistenziâl (Enos Costantin, Il comissari Calì e i doi cadavars sot Nadâl)
Sin. ande
, condote1
, dret
, fate
, maniere
, metodi
, metodologjie
, mût
, procediment
, procedure
, tatiche
-
mût di fâ in gjenerâl:
diferencis di etât, di naturâl, di ideis, di simpatiis, di sistemis: dut al jude a pisclâsi e a fâsi trist sanc un cul altri (Antoni Beline, Pre Pitin)
Sin. ande
, condote1
, regule
-
maniere di fâ ordenade e precise:
[Grivôr] al meteve simpri adun [i siei programs] cuntun sisteme dibot maniacâl (Franca Mainardis, Grivôr)
Sin. ordin
, sest
-
s.m.
complès di normis, usancis, rapuarts di podê e v.i. che a caraterizin une societât:
un moviment di popul cuintri dal guvier di stamp coloniâl dai Savoia, ma ancje cuintri dal sisteme feudâl che al pesave su la plui part de isule [de Sardegne] (Carli Pup, Teritoris - Oms di Libertât);
us saludi, o flamis di fûc, / e us invidi a disfâ tun moment / el sisteme dal siôr e dal pûr / e po el mont sarà calm e content (Zuan Minut, A li bandieris);
al disvelave segrets che se rindûts publics a varessin scombussulât dut il sisteme politic e finanziari cun consecuencis incalcolabilis (Fabian Ros, L'om che al pierdeve pinsîrs pe strade)
Sin. aparât
-
s.m.
[TS]
filos.
complès di postulâts, principis, ideologjiis che a formin une scuele di pinsîr:
la filosofie e proferì ae fisiche la pussibilitât di deventâ sisteme, di cuvierzi cu la cognossince la physis tal cori vie dai secui, cence pierdi la unitât, la coerence e inalore la bielece dal scheme dal mont (Adrian Cescje, Viaç aes origjins dal Logos)
Sin. concezion
, dotrine
, pinsîr
, teorie
-
s.m.
[TS]
astron.
complès organic di cuarps celescj:
si pensave di podê aplicâ cheste regule [la leç di Titius e Bode] a ducj i sistemis planetaris e satelitârs (Bepi Zefon, Il Sisteme Solâr e lis sôs leçs)
-
s.m.
[TS]
anat., med.
complès di orghins o struturis che a fasin chê stesse funzion o funzions leadis une cun chê altre:
i moviments de man/braç e dal sisteme fonoarticolatori a àn un substrât neurologjic comun (Giacomo Rizzolatti, Laila Craighero, Speculazions su la origjin dal lengaç);
dutis chestis cundizions a ridusin la ativazion dal sisteme gnervôs simpatic (Franc Fari, Neurosiencis dal dolôr)
Sin. aparât
-
s.m.
[TS]
mat.
complès di elements che, cundut che a esistin un separât di chel altri, a son in relazion tra di lôr e a formin un insiemi unic
-
s.m.
[TS]
fis.
complès dai cuarps considerâts in maniere cumulative o daûr des lôr carateristichis:
il "Principi di Indeterminazion" di Heisenberg al dîs che no si pues fâ tal stes moment domandis precisis su la posizion e su la velocitât di une partesele elementâr (o di cualsisei sisteme cuantistic) (Sergio Cecotti, Teologjie algjebriche)
-
s.m.
[TS]
chim.
complès di sostancis che al è fat di une o plui fasis
-
s.m.
[TS]
gjeol.
complès dai sediments che a son di une stesse ete gjeologjiche
-
s.m.
[TS]
gjeogr.
complès di elements omogjenis di un teritori
-
s.m.
[TS]
inform.
centri di elaborazion dâts che al cjape dentri strumentazions diferentis che a lavorin adun par rivâ un risultât
-
l'elaboradôr stes
-
s.m.
[TS]
zûcs
intai zûcs là che si cîr di fâ previsions, metodi statistic che al permet di incressi la probabilitât di vinci