procedure /-ù-/ pro|ce|du|re [AF]
- s.f. complès des pratichis e des normis di tignî in cont par rivâ un ciert fin: la Comission, che e à za definide la sô logjiche di procedure, che al pont che e je no pues dal sigûr modificâ (Adrian Cescje, Memoriis di politiche linguistiche); i cabaliscj a dopravin ruedis pes proceduris di cumbinazion e permutazion (Mario Turello, Il brevet)
- s.f. complès des formalitâts par fâ alc: Vignesie[…] e cirì prin di imberdeâlu [il Parlament] intun grum di gjambadoriis burocratichis, complicant a pueste la procedure des invistiduris (Josef Marchet, Cuintristorie dal Friûl dal 1866 fint in dì di vuê); te armarie a àn tirât vie une lastre di veri dal barcon par fâ in mût che, stant dentri, la sentinele e podedi sbarâ un colp par aiar difûr. E dut chest par rispietâ lis proceduris! (Checo Tam, Neapolis)
- s.f. [TS] dir. complès des normis pal davuelziment dai procès: il procès, dissiplinât dal codiç di procedure penâl, al furnìs risultâts in cinc dîs (Raffaele Serafini, B123ST)