aparât
a|pa|rât
[CO]
-
p.pass., adi.
viôt aparâ
, viôt aparâsi
-
s.m.
imprest o complès di imprescj cuntune cierte funzion:
une volte colegât a la prese di corint di colp l'aparât al veve tacât a sgrasaiâ… ondis AM… vôs lontanis… ondis FM… (Checo Tam, I nemîs)
Sin. aparecjadure
, armamentari
-
s.m.
complès dai orghins burocratics, di coordenament, di guvier e sim.:
Fausto al capì che in chê forme e cun chel aparât di confusion il partît nol sarès lât a dilunc (Adrian Cescje, Tal non di Fausto Schiavi);
lis autoritâts a àn tacât a slargjâ i aparâts di stât pe repression e par controlâ la int, tant che i manicomis (Elio Varutti, Il Risorziment a Martignà)
-
s.m.
[TS]
anat., biol.
complès di orghins e di struturis che a fasin une o plui funzions coordenadis:
o vin fevelât dal aparât gjenitâl maschîl e di chel feminîl e des lôr malatiis (AAVV, Sul florî);
lis malatiis dal aparât cardiocircolatori […] a puedin cjapâ pît o agravâsi o complicâsi par vie di usancis alimentârs sbaliadis (Guglielmo Pitzalis, Mangje san 1)
-
s.m.
part complementâr di une opare, di un libri o sim.:
«Storie de art in Friûl», stampât cul contribût de Provincie di Udin e de Fondazion Crup e la colaborazion dal Comun di Udin pal aparât iconografic che al compagne il test (Erika Adami, O ai scrit pal gno popul)