Dizionari de Lenghe Furlane

insiemi  /-è-/  in|sie|mi  [FO]

1. av. dongje, in union, in compagnie, in contempraneitât, cun mutualitât e v.i. cun cdn. o cun alc:  A scomençarin a fâ dut insiemi, i compits di scuele, lis spassizadis, lis confidencis (Carlo Sgorlon, Ombris tal infinît); al jere un spieli salvadi di amôr e di dolôr insiemi (Dino Virgili, La aghe da pît la cleve); o vin plui gjenerâi nô che no la Americhe e la Russie insieme (Riedo Pup, A Livorno une buse ta la aghe)
   Sin. intun , intune , adun , parie
   Var. insieme
2. s.m. ce che al è formât di plui elements:  une lenghe e je prin di dut un insiemi di sunôrs (fonemis) e di regulis morfosintatichis che no cambiin intal timp, o che a cambiin une vore planc a planc (Franc Fari, Il cjâf dai furlans); un Kandinski prime maniere, indulà che lis falis deventin colôr tal colôr e a son tiradis dentri tal insiemi di un plen di armonie (Sandri Di Suald, Ah! la provincie)
   Sin. complès , intun , sume
3. s.m. [TS] mat. ce che al esist tant che concet, che al ten dentri nissun, un o plui elements, daûr di une reson di apartignince che e sta tes proprietâts che lu definissin:  l'insiemi dai numars reâi al è infinît
   Sin. classe , colezion¹ , totalitât , intun , intune

Polirematichis e espressions idiomatichis

• insiemi cun loc.prep.
• meti insiemi loc.v.
• stâ insiemi loc.v.

Proverbis:

• a san plui il plevan e la massarie insiemi che no il plevan bessôl