Dizionari de Lenghe Furlane

meti insiemi    [AF]

1. loc.v. (ancje fig.) fâ in mût che plui elements, materiâi o imateriâi, a sedin insiemi o coordenâts o disponibii o creâ un complès formât di plui elements, tocs, parts e v.i.:  meti insiemi ducj i ingredients de "picada" e pestâju fins (Sandri Carrozzo, Mar i muntanya); cent mil furlans a son sfolâts, dopo vê pierdût dut ce che intune vite, dispès di sacrifici e di emigrazion in lasimpon, a vevin metût insiemi (Angelo Floramo, Orcolat indurmidît); cheste complessitât no pues sedi frontade midiant des semplificazions, ma nome cuntun mût integrât, metint insiemi sei lis cognossincis ambientâls sul incuinament e la salût, sei lis cognossincis sul clime (Dario Bianchini Giaiotti, Fulvio Stel, Clime e incuinament: prime l'ûf o la gjaline?)
   Sin. dâ dongje , unî , meti dongje , zontâ , riunî , tirâ dongje , tirâ adun , parâ dongje , dâ adun , meti adun , meti intune

Components:

• insiemi av., s.m.
• meti v.tr.