sume
su|me
[FO]
-
s.f.
operazion aritmetiche par zontâ doi o plui numars:
fasint la sume di chescj tas, ponderâts pal pês demografic des fassis di riferiment, si rive a une stime dal tas di furlanofonie di dute la popolazion de aree de indagjin, che e je dal 60% (Linda Picco, Ricercje su la condizion sociolenghistiche dal furlan)
-
s.f.
cuantitât complessive:
la sume dai lavoradôrs sospindûts (ven a dî in Casse integrazion e vuadagns) si moltipliche di plui di siet voltis (Fulvio Mattioni, Il futûr dal Friûl: laude ae "no sotan" economy);
trê tescj par une sume di 2.022 peraulis (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
-
s.f.
cuantitât di bêçs:
nol jere mai rivât a ingrumâ la sume che e coventave par tornâ a Baracêt (Lucio Perès, Gno barbe Sisto);
la Curie papâl di Rome e di Avignon, sore de nomine che ur deve, ur domandave une sume cussì gruesse che no rivavin mai adore di paiâle (Josef Marchet, Cuintristorie dal Friûl fin sot la Italie);
al jere un pieçon che nol veve une sume tâl inte sachete (Roberto Ongaro, Il muc)
-
ancje cu la specificazion di bêçs o de sorte di bêçs:
si jere impegnade di mandâ, ogni mês, une cierte sume di bêçs (Roberto Ongaro, Il muc);
puartâ in cjase une sume di carantans (Maria Forte, Sul cjar di Pauli Gurin);
scjafoiâ il cûr di sô fie tune sume di svanzighis? (Maria Forte, L'aventari pal barcon)
-
s.f.
complès che al ven fûr de union o dal ingrumâsi di plui elements:
une sume di piçui contrascj plui capîts che butâts fûr, un iritâsi, a voltis, che al nasseve dal nuie (Maria Forte, Cjase di Dalban)
Sin. zonte
, cuantitât
, grum
, tasse1
-
s.f.
[TS]
let., stor.
inte Ete di Mieç, opare che e cjapave dentri ducj i fondaments e lis teoriis di une dotrine o dissipline
-
s.f.
esposizion o rapresesentazion ordenade e sintetiche:
une predicje lungje, che e je un pôc la sume di chês che al à fatis vie pe setemane dal Otavari (Meni Ucel, Otavari a Madone)
Sin. compendi
Polirematichis e espressions idiomatichis