dotrine
/-ì-/
do|tri|ne
[AF]
-
s.f.
complès di principis teologjics e morâi de religjon cristiane, che si insegnin:
i moviments riformiscj, dutun cu lis lôr dotrinis, a puartin dongje ancje gnovis visions a nivel politic (Fabian Ros, La invenzion dal stât);
la religjon è lade; / e no san di funzions, ne di dotrine, / e vivin di rapine (Pieri Çorut, L'asîl)
Var. dutrine
-
insegnament di chei principis soredut indreçâts ai fruts:
a dutrine, tes stanziis parsore de sagristie, al veve il sisteme di une volte: orazions, un freghenin di spiegazion, e po domande e rispueste fin che no imparavin ad a ments (Antoni Beline, Pre Pitin)
Sin. catechesi
, catechisim
-
scrit o libri di chei insegnaments:
il volum de Capitanio al propon l'aventari de grande ricolte di predicjis e di dutrinis, datadis fra 1779 e 1930 (Redazion La Patrie dal Friûl, Teologjie e antropologjie)
Sin. catechisim
, libri di dotrine
-
s.f.
complès organic di cognossincis, di ideis, di principis, ancje in cjamp culturâl, politic, juridic, sientific e v.i.:
la dotrine demauriane, che e pretint di ribaltâ une didatiche de educazion linguistiche repressive (Adrian Cescje, Memoriis di politiche linguistiche)