catechisim
/-chì-/
ca|te|chi|sim
[CO, TS]
-
s.m.
ecl.
complès dai principis de religjon cristiane che a àn di jessi insegnâts ai fedêi:
il Catechisim catolic mi somee masse sigûr, ridutîf, limitatîf dal misteri, risultât di posizions e polemichis che no dipendin dal dut de ricjece de peraule di Diu (Tonin Cjapielâr, Fîs de salvece universâl)
Sin. dutrine
-
insegnament ai fedêi dai principis de religjon cristiane:
il predi al leve sù te semple, ven a stâi sul pulpit, pal catechisim (Pieri Menis, Tinut di Libro);
ogni dì, vie pal an, a pene che al rivave, al leve di buride a cjoli doi trê balons e, prin di scomençâ il catechisim, al veve di fâ la partide (Antoni Beline, Pre Pitin)
Sin. dutrine
-
libri didatic cun chei principis, presentâts ancje in maniere semplificade:
catechisims, libris di preieris, libris da scrivi (Zuan Luîs Filli, Almanac di Guriza par l'an comun 1858)
Sin. dutrine