atmosfere
/-fè-/
at|mos|fe|re
[FO]
-
s.f.
volum di aiar tor ator de Tiere o di un altri planet:
a partî dai prins agns '80, si è rivâts a ridusi une vore lis emissions in atmosfere di solfar (Dario Bianchini Giaiotti, Fulvio Stel, Clime e incuinament: prime l'ûf o la gjaline?)
Sin. aerosfere
Var. mosfere
-
l'aiar che si respire e lis sôs cundizions:
soreli e mosfere tividine: une codute di Astât (Riedo Pup, I furlans e Sant Martin)
Sin. aiar1
, arie1
, clime
, timp
-
s.f.
[CO, TS]
fis., metrol.
unitât di misure di pression che che e corispuint a 1,033 kg par cm cuadrât:
sglonfâ une gome a 2 atmosferis
-
s.f.
[CO, TS]
chim., tecn.
ambient gasôs dentri di un implant di reazion e v.i.:
l'azot no si cumbine a temperadure ambient cun nuie e al ven doprât in laboratori par produsi atmosferis inertis (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.f.
(fig.)
cundizion psicologjiche di un grup di personis, dal lôr ambient:
in cierts moments, tes riunions, e jere une atmosfere cussì penze che si podeve taiâle cul curtìs (Max Mauro, Un Friûl difarent: i 90 mhz di Onde Furlane);
forsit la lûs che e durave di plui, o salacor la atmosfere di carnevâl, a fasevin sintî che il piês dal Invier al jere passât (Carlo Sgorlon, Prime di sere)
Sin. aiar1
, clime
, ande
-
complès di sensazions che a vegnin di une opare di art, di un test di leterature e v.i.:
lis ilustrazions di Serena Giacchetta, realizadis e proietadis in direte, a fasaran vivi i personaçs, lis vicendis e lis atmosferis dal romanç di Carlo Sgorlon (ARLeF, La ARLeF a Friuli Doc)
-
sensazion di intensitât e calôr di un ciert puest o di une cierte situazion:
tra lis fabrichis cui grancj camins, fabrichis vecjonis, cheste atmosfere di une volte, al baste pôc par imagjinâsi di jessi intune altre epoche (Checo Tam, Karl Marx Stadt)