contest
/-è-/
con|test
[AF]
-
s.m.
il complès dai concets o des parts di un scrit o di un discors in relazion tra di lôr:
a vignivin programadis lis vôs di cualchi personaç de politiche o de culture, gjavadis fûr dal contest origjinari, cuntun efiet satiric e comic (Max Mauro, Un Friûl difarent: i 90 mhz di Onde Furlane)
Sin. suaze
-
s.m.
struture gjenerâl di une opare artistiche:
si sintì la bisugne di rapresentâ la figure umane in forme plastiche e monumentâl, ancje distacade dal contest des secuencis narativis di fregjis e metopis (Adrian Cescje, Viaç aes origjins dal Logos)
Sin. complès
-
s.m.
complès des circostancis, des ideologjiis, des figuris che a son tipichis di cierts moments, di ciertis situazions e v.i. e che a puedin dâ reson de nassite di cierts fenomens o dal sucedi di cierts fats:
a distance di mieç secul, o podìn dî che lis acusis di pre Bepo a son restadis intatis, ancje se il contest economic e sociâl al è mudât (Antoni Beline, La eterne lote dai furlans);
inserî il scandul dal presit dal lat, che al vâl mancul de gasose, tal contest di une soluzion globâl dal probleme dai presits, intune prospetive di justizie gjenerâl e di une ecue distribuzion dai redits jenfri ducj i lavoradôrs (Riedo Pup, I furlans e la partecipazion)
Sin. complès
, cuadri
, situazion
, suaze