locâl
lo|câl
[FO]
-
adi.
che al rivuarde un ciert puest, cun estension limitade, che al à difusion, efiet e v.i. dome intun ciert puest o in cualchi puest, che nol è gjenerâl:
politichis smiradis di svilup locâl (Redazion il Diari, Dal setôr dal len un dramatic chivalì);
daûr di ce che a ripuartavin i cuotidians locâi al somee che ancje il Sindic di Udin le vedi sbarade gruesse (Marc Stolf, Spara Jurij spara (Giovanni, Debora, Pieri & C.))
Sin. regjonâl
-
carateristic di un ciert puest:
a coltivâ, ancje tal mistîr e te forme de produzion, lis costumancis e lis carateristichis locâls, in Carintie nol è un pecjât cuintri la nazion (Josef Marchet, Di ca e di là de stangje);
in putropis fameis di mieze vigogne si va bandonant il lengaç locâl par doprâ une cjosse che si crôt che e sei la lenghe nazionâl (Josef Marchet, Lenghe e lenghis in Italie)
-
s.m.
zone o comunitât limitade, carateristiche di un ciert puest, cuntune sô individualitât:
un sisteme di coordenament fondât su la impuartance straordenarie dal bas; il locâl al è tignût in grant cont (Angelo Floramo, Ri-cognossi la autonomie)
-
adi., s.m.
spec. tal pl., che, cui che al vîf intun puest:
passant dongje di un simiteri di Belgrât, sin zûts ducj cuancj a robâ la sgnape che la int i poie ai siei muarts su la tombe: la matine dopo la int locâl e jere une vore rabiade cun nô (Bruno Colledani, Gjovanin Boser);
lis plantis e bestiis locâls (Erika Adami, Il zûc de ocje in lenghe)
Sin. paisan
, dal puest
, di chenti ipon.
, di lenti ipon.
, di ca ipon.
, di là ipon.
-
adi., s.m.
[TS]
fer.
tren che si ferme ancje intes stazions des localitâts plui piçulis:
la letare, Laurinç le leiè prin di rivâ a cjase. Le leiè sul tren locâl che al partive a vot e mieze di Milano-Garibaldi (Agnul di Spere, Chê dì che al neveà a Vignesie);
al someave in dut a un normâl tren locâl. Al rivave ta mê stazion plui o mancul a lis seis di matine (Raff BB Lazzara, Il tren dai cinês che a duarmin)
-
s.m.
edifici o in câs part autonomie di un edifici, soredut cuntune destinazion specifiche:
al jere plui di un mês che no faseve scuele, ven a stâi di cuant che i cosacs a vevin ocupât il locâl (Pieri Menis, Sul agâr);
al cirì di meti in sest il locâl [une buteghe di marangon], e cuant che dut al fo in ordin Rita e Ricardo a vignirin a viodilu (Carlo Sgorlon, Prime di sere)
Sin. edifici
, costruzion
, imobil
-
lûc sierât destinât a ristorazion o divertiments:
viarzi il locâl a buinore pai clients de sgnape e dal cafè (Alan Brusini, Come tai romançs);
tu le finirâs, mocul di sagristie, di slengâmi simpri e di meti a mâl il gno locâl e la mê marcjanzie e i miei aventôrs! (Josef Marchet, Lis predicjis dal muini)
Sin. ambient
-
s.m.
spazi che al risulte de division interne di une costruzion o di une abitazion:
59 artiscj residents in regjon che no àn mai esponût, invidâts di 20 critics a presentâ lis lôr voris tai locâi de vile di Toppo Florio e tal zardin (Erika Adami, Armoniis di ponts in moviments);
il locâl plui impuartant, in cjase, al ere il camarin, la cjanive, o la cantine. Locâi fats no par mostrâ ai forescj: par doprâ, invezit (Riedo Pup, I furlans e il camarin)
Sin. stanzie
, ambient