industrie
/-ù-/
in|dus|tri|e
[FO]
-
s.f.
il vê inteligjence e voie di fâ:
da che l'è mont, cui che è nassût pitoc / l'à dovût inzegnâsi a cuistâ il pan, / cui vivint cu la industrie e cui di scroc (Pieri Çorut, Pronostic del 1821)
Sin. snait
, inzen
, cjâf
, çucje
Var. ingjustrie
-
s.f.
ativitât produtive, di trasformazion des materiis primis, spec. standardizade e in stât di fâ prodots in grant numar:
lis industriis furlanis in chê volte [dal secul XVIII] a jerin la lavorazion dal ram, la tiessidure de sede e la fabriche di tele (Pierluigi Visintin, Friûl e furlans te Histoire de ma vie di Giacomo Casanova)
Sin. ativitât secondarie
, setôr secondari
-
s.f.
imprese che e lavore te trasformazion di materiis primis pe produzion di bens, spec. standardizâts e in grant numar:
buine la tiere, nuie ce dî, ma a coventavin fabrichis, industriis (Pieri Menis, Chei di Muraie)
Sin. implant
, lusine
, manifature
, stabiliment
-
s.f.
[TS]
stor., etnol.
produzion di manufats:
lis sôs fasis plui antighis [dal cjistielîr di Sant Quarin], testemoneadis de industrie litiche, al somee che a sedin dal Eneolitic (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
Proverbis:
- la necessitât e fâs la industrie
- la necessitât e je mari da la industrie
- miserie a fâs industrie, industrie a fâs bondance, bondance a fâs massepassudance e massepassudance a torne a fâ miserie