cantîr
can|tîr
[AF]
-
s.m.
puest là che si fasin lavôrs di costruzion:
si presente in cantîr li di Cescje e al domande lavôr: «Muredôr», al dîs; «vêso lavôr di dâmi?» (Meni Ucel, Gjarmaneots);
il nestri cantîr al da lavôr a 300 operaris (Oscar Puntel, Mario Collavino: une bandiere furlane parsore il gnûf World Trade Center di New York);
palaçs, cjasis gnovis / par ogni cuartîr / la perifarie / je dute un cantîr (Toni Bidel, Udin vistût di fieste)
-
s.m.
fabriche di nâfs:
siet mil operaris si movin dai cantîrs di Monfalcon e, menaçant di brusâ preture e presons, a fasin liberâ Minut (Carli Pup, La seconde Irlande)
Sin. arsenâl