arsenâl
ar|se|nâl
[CO]
-
s.m.
complès di cantîrs navâi:
Tite Cjargnel del puart prin vasselâr, Custôt del Arsenâl, grant Cjapitani (Pieri Çorut, I trê Bolzans);
il grant patrimoni forestâl de Cjargne al devente une risierve impuartantone di materiâi (il Bosc di sant Marc) di puartà ju fin tal arsenâl citadin pe costruzion des nâfs (Angelo Floramo, In chê dì. 3e pontade)
-
s.m.
dipuesit di armis, ambient li che si tegnin lis armis:
il cjiscjel, fuartificât plui voltis simpri secont la art di vuere dal timp, al servì ancje di arsenâl di armis, di preson e di caserme (Bepo Marion, Il cjiscjel di Gurize);
cuant che o ai montât di "piantone all'arsenale" o vevi viodût un gnotul che mi svolave parsore dal cjâf in plene dì. Sì, o sai ben che tal arsenâl a jerin des galariis ma no crodevi che chês bestiis a vignissin fûr cul soreli alt! (Checo Tam, Neapolis)
-
cuantitât di armis tignude in bande intun dipuesit o in gjenerâl in ducj i dipuesits di une fuarce armade:
la decision di ETA di consegnâ il so arsenâl e je stade comentade in maniere positive de bande dal guvier francês, intant che a Madrid a àn mostrât fredece (Marc Stolf, Il disarmament di ETA e la promesse di Macron de ratifiche de Cjarte europeane)
-
(fig., iperb.)
grande cuantitât di armis:
Al veve, in cjamare, un armarut a veris cun dentri doi doplis di cjace, un dal dodis e un dal sedis e un ugnul dal trentedoi, dôs spadis antighis, une sable di cavalarie e po, chê maledide rivoltele che e jere stade la cause de sô muart. "Cuissà parcè che al tignive dut chel arsenâl?" (Roberto Ongaro, Cretevierte)
-
s.m.
(fig.)
contignidôr di elements, ancje imateriâi, soredut in grande cuantitât o di grande impuartance:
il cûr sporc al à proposit pes canaiis, / il net un arsenâl di ogni virtût (Toni Broili, Anatomie del cûr uman)
-
cuantitât di elements, ancje imateriâi, che si à a disposizion, che si pues doprâ