pussibilitât
pu|ssi|bi|li|tât
[FO]
-
s.f.
il podê jessi, sucedi, jessi vêr, jessi fat o otignût e v.i.:
chê campagne sorde dulà che la necessitât e prevâl simpri su la pussibilitât e dulà che a la pussibilitât, sul scorsâ dal ritmi necuitôs dai timps de nature, e je simpri dineade la ocasion di vignî a flôr (Franco Marchetta, Madalene)
Var. possibilitât
-
s.f.
ocasion o cundizion di fâ alc:
no je autonomie se no si previôt la pussibilitât, par un popul, di mandâ fûr di bessôl, in dute libertât, il sisteme di leçs che lu regole (Angelo Floramo, Ri-cognossi la autonomie);
[I Strumîrs] a àn possès e parincj intal Imperi, là che a cjatin ancje chês pussibilitâts di cariere che no àn invezit sot di Vignesie (Carli Pup, Il Friûl de Joibe Grasse dal 1511);
cîr che ti cîr, dopo cualchi mês e salte fûr la pussibilitât di meti un ripetidôr a Forgjarie (Max Mauro, Un Friûl difarent: i 90 mhz di Onde Furlane)
Sin. mût
, ocasion
, oportunitât
-
s.f.
spec. tal pl., complès fuarcis, dai mieçs che si à:
mi pareve une spese fûr di mût, un capriç maturli, parsore di ogni nestre pussibilitât (Carlo Sgorlon, Il dolfin);
i artesans de Carintie […] a son vadì plui fortunâts dai nestris, […] plui libars di lavorâ secont il lôr spirt, lis lôr tradizions e lis lôr pussibilitâts (Josef Marchet, Di ca e di là de stangje)
Sin. capacitât
, podê2
, risorse
-
s.f.
ipotesi che alc al puedi sucedi:
[cul anticiclon di Istât] il timp al pues jessi sec e une vore cjalt, cun pocjis pussibilitâts di temporâi (Stefano Micheletti, Marcellino Salvador, Notis di meteorologjie pal Friûl - Vignesie Julie);
nol acetave par nuie la plui piçule peraule su la pussibilitât di partî e bandonâ chel puest (Enrico Martina, Ricuarts e inlusions);
une pussibilitât su cent milions! Ma al è sucedût (Gianni Gregoricchio, Trê feminis)
Sin. probabilitât
-
alternative pussibile:
pe farsidure [des tutres] a son plui pussibilitâts, chês plui tipichis a son: spinaze e scuete […]; patatis […]; craut (Sandri Carrozzo, Tutres)
Sin. opzion
, sielte
, alternative