sielte
/-èl-/
siel|te
[FO]
-
s.f.
il valutâ e decidi di ce che al è miôr jenfri dôs o plui pussibilitâts:
lis prospetivis de difusion sociâl dal ûs de lenghe furlane a dipendin di une sielte dai Furlans (Xavier Lamuela, La grafie furlane normalizade);
cjatâ un biel slogan no je mai une sielte facile (Sandri Di Suald, Comunicâ la autonomie)
Sin. decision
, opzion
, risoluzion
-
[TS]
filos.
moment che il sogjet al sielç tra plui pussibilitâts, in libertât, e si cjape la responsabilitât
-
s.f.
ognidune des soluzions che a puedin jessi cjapadis:
lis trê sieltis "utilis" presentadis dal sisteme uficiâl a son: votâ a centridiestre; votâ a centriçampe; votâ M5S. In sostance però il vôt indreçât intune cualsisei di chestis pussibilitâts al è compagn (Sandri Carrozzo, Pat pe Autonomie o astension (intune des sôs diviersis formis));
molâ di fumâ e je la sielte miôr par recuperâ agns di vite in buine salût (Guglielmo Pitzalis, Stude i spagnolets!)
Sin. alternative
, pussibilitât
-
s.f.
cuantitât di robis o opzions alternativis li che si pues decidi:
une cusine fine e une grande sielte di vins (Consorzi pe difese dai cjistiei storics dal Friûl - Vignesie Julie, www.consorziocastelli.it);
une grande sielte di programs che a cjapin dentri cetancj cjamps e tra chescj ancje la istruzion e la culture (Marc Stolf, Minorancis linguistichis)
Sin. assortiment
, cuantitât
, ufierte
-
pussibilitât teoriche e pratiche di decidi:
no i plaseve tant la storie dai siei fusîi, che a sbaravin metal tal cuarp di neris o di zâi, ma par cumò nol veve sielte (Agnul di Spere, L'avignî di Antoni Cossâr)
-
s.f.
racuelte di robis sieltis, risultât di une selezion:
"Friûl di vuê e di doman", une preseade antologjie di siei scrits che e cjape dentri une sielte di tescj che Lelo [Cjanton] al à vût scrit a partî dal 1949 (Eddy Bortolussi, Il Friûl di Lelo Cjanton)
Sin. cernete
, selezion
Polirematichis e espressions idiomatichis