campionari
/-nà-/
cam|pi|o|na|ri
[CO]
-
adi.
di fiere, mostre e v.i., che e cjape dentri e espon campions di prodots o che al è il spazi là che lis aziendis a mostrin bens e prodots:
ai 27 di Avost dal 1903 si scree a Udin la grande fiere campionarie, la Esposizion Regjonâl, calcolade tant che l'avigniment economic, culturâl e mondan plui impuartant dal an di bande di dutis lis cronichis no dome dal Ream di Italie, ma di Europe (Angelo Floramo, Cuintristorie dal Nûfcent 1900-1910)
-
s.m.
racuelte espositive di campions di prodots:
ce vevio mai di fâ? / Meti sù une buteghe di poesie: / vignît, vignît a viodi e a ordenâ. / O ai ancje un campionari, / che al tire daûr dal timp / e dai sants dal lunari (Renata Caissutti, O ai mitût sù buteghe);
tele jeans za presinte tai siei campionaris [di Jacum Linùs] (Marta Vezzi, Jacopo Linussio & jeans: il "fashion" acessibil)
-
sfuei o fassicul o libri che al presente une schirie di prodots:
a i era capitât da fâ na grant pensada: parecjâsi la cassa. Al veva tirât four un campionari puartât da la Fransa e al veva tirât jù il model pi di lusso (Novella Cantarutti, Il Crist sclagn)
Sin. catalic
-
s.m.
(fig.)
complès rapresentatîf di carateristichis:
i pericui par la unitât […] a son in chê false democrazie, in chel brudiot ideologjic, in chel campionari di insipience politiche che e presente la alchimie dai partîts (Josef Marchet, I trê savis di là jù)
-
complès formât di une grande cuantitât di elements:
al faseve une fature grande a persuadi Fatime, parcè che ancje jê e veve il so campionari di superstizions (Carlo Sgorlon, Ombris tal infinît)