catalic
/-tà-/
ca|ta|lic
[CO]
-
s.m.
liste ordenade daûr di carateristichis predeterminadis che a judin a cirî e comparâ i divers elements:
l'inventari dal font archivistic e il catalic de biblioteche (Elena Zanussi, Viert l'archivi Tessitori);
o faturai ben e no mâl par fâmi dâ il catalic dai reperts, la sezion des monedis antighis (Gianluca Franco, Il solt di Arlunc)
-
liste di elements che a partegnin in maniere uficiâl a une categorie:
tor dal 1991, il ministeri de agriculture al inserì tal catalic des vîts talianis lis varietâts Forgjarin, Picolit Neri, Scjaglin e Ucielut (Redazion il Diari, Il paleontolic dal vin furlan)
-
s.m.
publicazion esplicative e sintetiche, che e presente elements che a fasin part di une stesse categorie, tant che lis oparis di un autôr, di une esposizion, i artiscj di une manifestazion e v.i.:
une imagjin tant sugjestive di jessi stade sielte pe cuviertele dal catalic de mostre internazionâl plui grande sul Futurisim organizade intal 2014 tal Museu Guggenheim di New York (Floriana Bulfon, Il miôr des oparis di Tullio Crali a doi pas di Place di Spagne)
-
s.m.
sfuei o fassicul esplicatîf di une schirie di prodots o di un singul prodot:
i catalics a rivavin par pueste a ducj chei che a volevin cognossi lis gnovis varietâts di blave. Lis panolis a fasevin la lôr biele mostre sul sfont blu des pagjinis (Checo Tam, Panolis)
Sin. campionari
-
s.m.
(fig.)
persone masse puntiliose e pronte a tirâ fûr cantins:
no je une sutilece di catalics o di avocats disocupâts, e je une cjosse dal dut diferente (Josef Marchet, Par intindisi)