risoluzion
/-òn/
ri|so|lu|zi|on
[AF]
-
s.f.
evoluzion, spontanie o causade, di une cuistion, che e fâs che no sedi plui problematiche o che no esisti plui:
la risoluzion dal probleme e je tremende, bisugne ricognossilu (Arturo Feruglio, Viaç a Vignesie);
propuestis pe semplificazion des proceduris e la risoluzion des problematichis che a puedin sei vignudis fûr (Adrian Cescje, Memoriis di politiche linguistiche)
Sin. ricomposizion
, sistemazion
, soluzion1
-
s.f.
il fâ une sielte e la sielte che e ven cjapade:
pense e torne pense, il vecjo al jere rivât a cheste risoluzion (Pieri Menis, Chei di Muraie)
Sin. decision
-
enunziât dai intindiments di une assemblee, di un orghin colegjâl e simii:
la grande sorprese di cheste setemane […] e je stade la risoluzion da la Assemblee plenarie dai 75 di lavâsi lis mans sul cont da la Autonomie furlane, e di lassâ che si distrighi la Costituente (Josef Marchet, Gjambadoriis);
si cjape come pont di riferiment fondamentâl la risoluzion da la "Onu" dal 1947 su la Palestine (Renzo Balzan, Scuintri fra civiltâts)
-
s.f.
il jessi fer, costant, sigûr intune decision o intune linie di compuartament:
nancje lui par altri nol veve la fuarce di une risoluzion di om: scunît, falît, ancje lui (Dino Virgili, La aghe da pît la cleve);
la sô politiche [di Luduì di Teck], cence direzion nete, cence inteligjence, cence risoluzion, e restà in sostance leade daprûf di Sigjismont (Josef Marchet, Cuintristorie dal Friûl fin sot la Italie)
Sin. ciertece
, decision
, sigurece
, fuartece
-
s.f.
cessazion di un vincul, di un impegn, di un contrat e v.i.
Cfr. anulament
, invalidament
, tai
-
s.f.
[TS]
chim.
scomposizion di une sostance complesse intai siei components elementârs
-
s.f.
[TS]
mus.
procediment armonic li che si passe di un acuardi discordant aes notis consonantis di un acuardi sucessîf
-
s.f.
[TS]
tecn., sient.
nivel di detai te rilevazion o rapresentazion di un fenomen:
al è stât pussibil localizâ la ativazion funzionâl dal cerviel cuntune acuratece intal ordin dai milimetris e cuntune risoluzion temporâl ator dai 3 seconts (Daniela Perani, Neuroimagjins funzionâls e cerviel bilengâl);
64 imagjins digjitâls ad alte risoluzion (3.008 x 2.000 pixel) (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion)
Sin. definizion