sigurece
/-rè-/
si|gu|re|ce
[FO]
-
s.f.
mancjance di pericui, il no jessi in pericul o il no vê pericui:
tal paîs cjadût tes sgrifis dal Re Erode no jere plui ni justizie ni sigurece, ma caprici pardut e prepotence (Catarine Percude, La maledizion dei luvins);
la Vierte dal '67, di fat, si à començât a sintî a dî che ca e là a metevin sù une "vuardie nazionâl pe sigurece dal popul" … Alore chi le àn nasade a colp: la vuardie e jere pe sigurece dai siôrs, parcè che pal popul al è vonde cualchi vuardian (Riedo Pup, Il prin moto)
Var. sicurece
-
complès di misuris, aparâts e compuartaments che a fasin in maniere che no sedin pericui, spec. intune cierte ativitât:
lis convenzions de Organizazion internazionâl dal lavôr […] a garantissin la libertât di associazion e di contratazion, il dirit di organizâ il sindicât, […] la sigurece sul puest di vore […] (Buteghe dal Mont, Luche Nazzi, Guide par un consum just e solidâl)
-
s.f.
dispositîf che al impedìs a un aparât di funzionâ in maniere pericolose o no volude:
si metè in vuaite cul mitra cu la sigurece discjanade e pront a trai (Roberto Ongaro, Il muc)
-
s.f.
situazion economiche, professionâl, sociâl, familiâr, sentimentâl e v.i. che e permet di no vê pinsîrs pal avignî:
le veve tant bramade, Crist, chê sigurece… chel vivi seren cence plui fenzi! (Maria Forte, La tiere di Lansing)
-
s.f.
mancjance di dubi, di pôre, paronance di se, di ce che si sa, domini su la situazion:
e la sigurece po che al veve, paron di se, […] al mostrave une dignitât sô personâl avuâl al non de sô famee (Alan Brusini, Come tai romançs);
no veve mai cjalât i umigns di un pont masse alt, e par chel no veve scuviert il debil e la pocje sigurece che e je ancje in chei studiâts (Maria Forte, Cjase di Dalban)
Sin. paronance
, control
-
capacitât di compuartâsi, spec. di lavorâ, fasint simpri just:
il rulo al leve sù e jù […]. Lu menave un fantat sui vincjecinc agns […] cuntune sigurece grandiose (Carlo Sgorlon, Prime di sere);
[al gjornalist che al vûl scrivi par furlan] i mancje la peraule te sô lenghe o i mancje la sigurece di doprâle (Adrian Cescje, Memoriis di politiche linguistiche)
Sin. abilitât1
, art
, bravece
, bravetât
, control
, çate1
, destrece
, disinvolture
, estri
, fidance
, francjisie
, man
, mistîr
, naturalece
, paronance
, snait
-
s.f.
idee che une robe e sedi vere, juste:
e veve vût la sigurece che chê tele e sarès stade un afâr cetant bon, metude in biele mostre inte vetrine de sô buteghe (Franca Mainardis, Il sium di Lissandri);
si pues dî cuntune cierte sigurece che Tellini al è il pari di ogni idee di Friûl cuntune filusumie diferente e di une sô esistence, reâl o in divignî, tant che nazion autonome (Donato Toffoli, Il lunari mai jessût - Tellini te prime vuere mondiâl);
ce mi isal restât des sigurecis di chei agns? (Gianni Gregoricchio, Trê feminis)
Sin. ciertece
, convinciment
, convinzion
-
s.f.
servizi di vigjilance e protezion:
dispès o cjatavin ancjemò rescj umans: o vevin di blocâ dut e di clamâ la sigurece (Oscar Puntel, Mario Collavino: une bandiere furlane parsore il gnûf World Trade Center di New York);
al disè a chei de sigurece che a erin rivâts, che al ere dut a puest, che al garantive lui par me (Stiefin Morat, Kebar krossè)
Polirematichis e espressions idiomatichis