control
/-òl/
con|trol
[FO]
-
s.m.
il viodi e verificâ par savê la regolaritât, la funzionalitât, la salût, la justece e v.i.:
daûr des tipologjiis diferenziadis di certificazion e di garanzie, a operin, pal control e pe atribuzion di une marche, ents autonoms e indipendents, istituzions publichis o un coordenament di ents (Buteghe dal Mont, Luche Nazzi, Guide par un consum just e solidâl);
nol è un control reâl di cualitât de esecuzion dai progjets (Linda Picco, Sandri Carrozzo, Efiets economics e ocupazionâi des leçs di tutele de lenghe furlane);
a siet e rivave la diplomade pes punturis o pai prelevaments (i 'nt fasevin ancjemò doi in dì, pal control des "amilasis" e des "gamma-gt" che a restavin ancjemò altis come valôr…) (Amedeo Giacomini, Tal ospedâl);
tal doman al varès mandât a fâ un control, sù pe nape, un spacecamin (Roberto Ongaro, Cretevierte)
Sin. prove
, aciertament
, ispezion
, provin
, verifiche
, visite
, revision
-
s.m.
il savê e podê intervignî intune situazion, intun procès, intune ativitât e v.i., in maniere di vê un efiet cussient:
la forme societarie sielte par Onde Furlane - la cooperative - e deve la pussibilitât di un control larc e condividût sul lavôr de radio, e e permeteve a plui int pussibile di jentrâi (Max Mauro, Un Friûl difarent: i 90 mhz di Onde Furlane);
tal insium al somee che dut al ledi indenant cence che la volontât e vedi un control precîs de situazion (Franc Fari, Il cjâf dai furlans)
Sin. domini
, paronance
-
s.m.
capacitât di contignîsi, di moderâ lis propriis reazions:
al è un scjaldinôs di chei, nol à un fregul di control
Sin. autocontrol
-
s.m.
capacitât di tignî vuardiât, di tignî sot dal podê di une fuarce o autoritât:
oppida e castella invezit a jerin insediaments fortificâts, in gjenar in posizion strategjiche su çucs o adalt, di là che al jere plui facil fâ la funzion di control dal teritori tor ator e su lis viis di comunicazion (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl);
no dome il podê politic al restave tes mans des stessis personis, ma il control che a vevin sui paisans si faseve inmò plui fuart ancje in gracie de Vuardie Nazionâl (Carli Pup, Cuintri dai siôrs e de Vuardie Nazionâl. Il prin di Mai dal 1867 a Martignà)
Sin. vigjilance
, vuardie
-
puest, persone o grup di personis par fâ la vuardie:
la polizie e à metût controi in autostrade
-
s.m.
il menâ un veicul, une nâf, un avion o sim. doprant i comants:
sul bagnât si à di stâ plui atents a mantignî il control de machine
Sin. paronance
-
s.m.
podê di decision:
o pretinderin di vê il control politic dal gjornâl (Adrian Cescje, Memoriis di politiche linguistiche)
-
s.m.
[CO, TS]
tecn., eletron.
dispositîf par verificâ e direzi il funzionament di un aparât
Polirematichis e espressions idiomatichis