Dizionari de Lenghe Furlane

provin  /-ìn/  pro|vin  [CO, TS]

1. s.m. sient. contignidôr di veri par campions o cuantitâts precisis di sostancis, in gjenar par fâ provis chimichis o fisichis:  al è impegnât a cirî prodots bateriolitics. Par chest al arleve bateris diferents (e fra chescj ancje culturis di Staphylococcus) in provins e piastris (Romano Locci, La discuvierte dai antibiotics. Peniciline: l'antibiotic che al à stentât a nassi)
   
   1. campion di sostance che al è dentri di chel contignidôr
   2. campion di sostance in gjenerâl, che e ven sometude a provis:  la estension de zone disot la curve [dal diagram] e je proporzionâl ae energjie dissipade par deformâ il provin [di malte armade] prin di rivâ (se si rive!) a rompilu (Alessandro Bachiorrini, Maltis armadis pes struturis dal tierç mileni)
2. s.m. (estens.) imprest par provâ o par misurâ alc:  e sintive sgrisui di frêt ma no veve il provin par misurâsi la fievre (Jolanda Mazzon, Di là de rêt)
3. s.m. dimostrazion des capacitâts di cdn., soredut tal cjamp dal sport, dal spetacul, de comunicazion:  lant a Rome par distrigâ lis pratichis pe partence, la siore Yadi Rosa Ambrosio di Manià lu ospite a cjase sô e, par vie de biele presince, lu convinç a fâ un provin pal cine (Sandri Olivetto, Tony Centa - Un furlan a Cinecittà)
4. s.m. (fig.) azion che si fâs o che si fâs fâ par viodi e capî une cierte situazion:  [fâ elezions aministrativis tal sisteme partitocratic] al è un provin e nuie altri: un provin che al coste cjâr, fat aes spesis dal contribuent (Josef Marchet, No sin contents!)
   Sin. prove , esperiment , verifiche