esperiment
/-ènt/
es|pe|ri|ment
[AF]
-
s.m.
[TS]
sient.
riproduzion sperimentâl di un fenomen:
Michael Faraday al puarte a conclusion une schirie di esperiments che a dimostrin la pussibilitât di produsi energjie eletriche dal moviment di cjamps magnetics (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
esperiments intai cjamps de psicologjie e de neurobiologjie dal dolôr a àn fat in mût di mostrâ la impuartance des interazions tra la psiche, il cerviel e il cuarp (Franc Fari, Neurosiencis dal dolôr)
Var. speriment
-
s.m.
pratiche o prove che si fâs par scuvierzi alc o par viodi se si pues rivâ a un ciert obietîf e v.i.:
fâ un esperiment: sielzi une notizie e controlâle su tancj gjornâi: il mût che e ven publicade e la maniere che e ven presentade (Riedo Pup, Il partît dai zovins coscrits);
a jerin stâts fats adiriture tal 1880 i prins esperiments di iluminazion eletriche di place Vitori Emanuêl II (Angelo Floramo, Cuintristorie dal Nûfcent 1900-1910)
Sin. prove