revision
/-òn/
re|vi|si|on
[AF]
-
s.f.
azion e risultât dal controlâ par cjatâ e mendâ erôrs, imperfezions, difiets e v.i.:
e po, cui varessial di fâ chestis inchiestis, chestis ispezions? Cjan nol mangje cjan. Al è tant vêr, che ispezions e revisions si 'nt fâs simpri, cul risultât che si viôt (Josef Marchet, Il cancar)
Sin. control
, verifiche
, corezion
-
azion e risultât dal control di un test scrit, par gjavâ fai o difiets:
la revision dai stampons e à di sedi stade fate masse di corse (Laurin Zuan Nardin, Ugo Colman, I Nius, poesias, contas e liendas fornessas. Roberto Ongaro, Il landri dal lôf);
magari cussì no Pierluigi Visintin nol à podût finî la revision de sô traduzion, cussì al è coventât l'intervent dal curadôr (Sandri Carrozzo, Note dal curadôr ae traduzion dal Infier di Dante)
-
control periodic di un sisteme, di un implant e v.i., par garantî che al funzioni ben e che al ledi indevant a funzionâ ben:
la Tabele 1 e mostre lis carateristichis essenziâls des 6 unitâts; tal moment dal taramot lis primis 3 a jerin in funzion, chês altris fermis par revision periodiche (Alessandro Pascolini, Il disastri de centrâl nucleâr di Fukushima Dai-ichi)
-
s.f.
[TS]
dir.
proviodiment straordenari li che la autoritât judiziarie e cjape at che une sentence za ferme, ancje za eseguide, si fondave su provis che no si puedin calcolâ buinis o che la procedure e jere viziade, e che duncje la sentence stesse no à validitât:
il coordenament al vûl rivâ ae revision processuâl e riabilitazion e al à inviade une altre campagne di sensibilizazion (Marta Vezzi, Fusilâts dôs voltis)