convinzion
/-òn/
con|vin|zi|on
[AF]
-
s.f.
sigurece in ce che si crôt o ancje in ce che si fâs:
Samo Pahor […] si bateve par dutis lis minorancis cu la stesse convinzion e passion che al meteve par pretindi i dirits linguistics de sô comunitât linguistiche slovene (Adrian Cescje, Memoriis di politiche linguistiche);
"Cemût che al crôt, dotôr" mi diseve cun pocje convinzion (Alan Brusini, Gian Paolo Linda, I forescj)
Sin. convinciment
, persuasion
, sigurece
, ciertece
Var. cunvinzion
-
s.f.
ce che si crôt, ce che si pense cun sigurece:
no fo une sorprese scuvierzi che il Cjapitani al veve su chei argoments convinzions che a someavin lis mês (Carlo Sgorlon, Il dolfin);
i atôrs de finance etiche si impegnin a garantîi a di chel che al sparagne che i siei bêçs a son invistîts rispietant lis sôs convinzions etichis e sociâls (Buteghe dal Mont, Luche Nazzi, Guide par un consum just e solidâl)
Sin. concet
, convinciment
, credo
, crodince
, fede1
, idee
, ideologjie
, judizi
, opinion
, parê2
, pensade
, pensament
, persuasion
, pinsîr
, posizion
, sigurece