credo
/-è-/
cre|do
[CO, TS]
-
s.m.
lit.
ancje cun iniz. maiusc., preiere, in câs ancje cjantade, li che il fedêl cristian al declare i dogmis fondamentâi de sô confession:
"E il Credo… il Credo lu sâstu, besteol? …" "O pensi di sì… Credo in Deum Patre…" e si inçumpì "… Onipotente…" (Dino Virgili, La aghe da pît la cleve);
e cumò disìn insieme il Credo, chel Credo che o vin doprât par plui di mil agns inte glesie di Aquilee ogni volte che al è stât batiât un dai nestris fruts (Francesc Placerean, L'unic concuardât che la glesie no po rinunziâ al è chel cu la sô int)
-
(meton.)
confession religjose cristiane, o religjon ancje no cristiane:
lis condizions dai sclâfs a miorin in gracie de difusion dal cristianisim e di religjons, par un esempli il budisim, che tal lôr "credo" a àn la virtût de "compassion" (Luche Nazzi, I sclâfs dal tierç milenari a passin ancje par ca)
-
(fig.)
convinzion, pratiche o passion, ancje no religjose:
chê compagnie di esaltâts [fassiscj] che a vevin fat de violence il lôr credo (Roberto Ongaro, Il muc)
-
s.m.
(fig.)
timp che si sta a dî sù chê preiere o in gjenerâl timp une vore curt:
"Ecomi ca. Spietait nome un credo, tant che o sieri chestis puartis, se no i laris mi fasin il disio" (Luigi Gortani, Meni Fari);
o vin spesseât a domandâ la clâf de cjamare par risfrescjâsi e polsâ un credo (Antoni Beline, Sant Jacum, là che al finìs il mont)
Sin. amen1
-
s.m.
(pop.)
viôt credit
:
la robe di fîl, metât a la tignive par jê e metât a la deve al butegâr pal pan vût a credo vie pal an (Gianni Colledani, Il purciel da la agne Nine)
Sin. credit
, credince
, incredince
Proverbis:
- cui che i falin tal dî il credo tal batiâlu al viôt lis striis