credit
/crè-/
cre|dit
[AF]
-
s.m.
il jessi degn di jessi crodût:
chestis a son bausiis che no fasin mâl a nissun: ma intant a son bausiis, e cui che lis conte al piert il credit (Josef Marchet, Lis predicjis dal muini)
Sin. credibilitât
, incredit
, credince1
, incredince
-
il jessi crodût o il crodi:
no si da trop credit a dutis chês lamentazions (Josef Marchet, Cirî la caritât)
-
il jessi rispietât, stimât e preseât:
nissun nol varès olsât di fâsi viodi cun jê; la plui puare dal paîs e cun di plui bastarde; a vevin pôre di pierdi il credit (Roberto Ongaro, Cretevierte)
-
s.m.
il dâ un ben o un servizi cence jessi paiâts daurman, in cambi dal impegn di disdebitâsi di cui che al cjape chel ben o chel servizi:
al beveve a credit, fin cuant che i 'ndi davin (Meni Ucel, Credit)
Sin. credince1
, incredince
Cfr. credo
-
sume di bêçs che si à di vê par une vendite o un servizi za dât
-
s.m.
concession di bêçs, in cambi dal impegn dal debitôr di disdebitâsi, in câs ancje cun interès:
l'impuariment al è la consecuence dal câl dal redit disponibil che al ven integrât midiant prestits bancjaris e credit al consum (Fulvio Mattioni, Il futûr dal Friûl: laude ae "no sotan" economy);
cu la sô ativitât al jere rivât al pont che lis bancjis i vevin sierât i credits, a un tant che, dopo di vê vendût dut ce che al podeve, al scugnì ricori ai usurârs (Fabian Ros, Un piçul particolâr)
Sin. credince1
, incredince
-
sume di bêçs prestade che si à di vê indaûr:
i disè che nol jere rivât a scuedi i siei credits e che al scugnive vê ancjemò un pôc di pazience (Carlo Sgorlon, Prime di sere)
-
s.m.
(fig.)
cundizion li che si è o si sintisi in dirit di vê alc:
o soi une che si riten simpri in credit cu la vite (Gianni Gregoricchio, Trê feminis)
-
s.m.
[TS]
scol.
viôt credit formatîf
Proverbis:
- cui che al à debit al à credit
- in chê dì che si paie un debit si vierç un credit
- se tu fasis debits tu cuistis parons, se tu fasis credits tu pierdis amîs