Dizionari de Lenghe Furlane

credince¹  /-ì-/  cre|din|ce  [CO]

1. s.f. ce che si crôt par fede o par tradizion religjose o sul cont di alc di sorenaturâl o pôc cognossût:  la credince ne lis striis in altris circostancis clame daûr di se conseguencis di ben altre nature, e funestis ancje se l’ocor (Giuseppe Ferdinando del Torre, Legjende furlane su la volgâr idee che lis striis a temesin jù la timpieste); cualchi notiziute o sul cont di une persone, o di une custumance, o di une leç, o di une credince, o di un fat, e ven simpri fûr (Josef Marchet, Siôr Tite Cuargnâl)
   Var. crodince , cridince¹ , gredince¹ , gridince¹
   Cfr. credo , religjon , confession
2. s.f. robe che si crôt, che si pense:  al jere di mode il lichigneç di trascurâ di doprâ scuasi simpri i pronons pleonastics, seont la credince che in chê maniere la puisie e ven a cuistâ (Giancarlo Ricci, Recension di G. Tavoschi, Sfueis di lunari)
   Sin. idee , convinzion , opinion , pinsîr , teorie
3. s.f. il dâ un ben o un servizi cence jessi paiâts daurman, in cambi dal impegn di disdebitâsi di cui che al cjape chel ben o chel servizi:  sin int cognossude e no varês nissune dificoltât, mi imagjini, a dânusal ad in credince (Luigi Gortani, Al marcjât di Vile); "Va in buteghe e domande di credince." "Jo…? eh no, soi stufe di viodi a stuarzi il nâs il gjestôr" (Pieri Somede dai Marcs, La buteghe dal barbîr)
   Sin. incredince , credit , credo

Polirematichis e espressions idiomatichis

• dâ di credince loc.v.